អ្នកលក់កំពូល គេមិនលក់តែរបស់ទេ ឬផលិតផលមួយមុខទេ ពួកគេអាចលក់បានច្រើនយ៉ាងទៀត រួមមានដូចជាលក់បេះដូងស្មោះ (ទំនុកចិត្ត) ផលិតផលមានគុណភាព និងមានមនោសញ្ចេតនាថែមទៀត។ អ្នកទាំងអស់គ្នានឹងឃើញរបស់បួនយ៉ាងទៀត ដែលយើងនឹងលើកមកបង្ហាញដល់អ្នកទាំងអស់គ្នា។
១. តម្រូវការ
មនុស្សតែងមានតម្រូវការ បើសិនយើងលក់ចំពេលដែលមនុស្សត្រូវការប្រើរបស់ទាំងនោះ មានន័យថាយើងជាមនុស្សឆ្លាតម្នាក់ យល់ច្បាស់អំពីពេលវេលា និងតម្រូវការប្រើប្រាស់។ ចំណុចនេះនឹងជួយឱ្យអ្នកលក់ឆាប់ដាច់ និងមានប្រសិទ្ធភាពបំផុត។ ឧទាហរណ៍សត្វសេះវាមិនស្មៅស្រស់ទេ បើសិនពោះរបស់វាពោរពេញដោយស្មៅខ្ចីជាច្រើន។
២. មនោសញ្ចេតនា
ពេលស្រលាញ់នារីម្នាក់បាន យើងត្រូវមានមនោសញ្ចេតនាជាមួយនាង ស្មោះត្រង់ និងធ្វើយ៉ាងណាយកចិត្តនាងឱ្យបាន។ អតិថិជនដូចគ្នាដែរ បើយើងគ្មានមនោសញ្ចេតនាជាមួយពួកគាត់ទេ វានឹងនាំមកនូវភាពសោះកក្រោះបំផុត ទីបំផុតនឹងលក់មិនដាច់។
៣. គុណភាព
ពុំអាចលក់ដាច់ ឬលក់បានយូរអង្វែងទេ បើអ្នកលក់ផលិតផលមិនល្អ គ្មានគុណភាពត្រឹមត្រូវ។ បើចង់លក់បានយូរ ខ្ញុំផ្តល់ដំបូន្មានថា កុំលក់របស់ដែលគ្មានគុណភាពព្រោះចង់បានលក់បន្តិចបន្តិចទាំងនោះឱ្យសោះ។ លុយអាចចាយបានមួយថ្ងៃ តែបាត់បង់ទំនុកចិត្តពីអតិថិជនរៀងរហូត។
៤. ទំនុកចិត្ត
អតិថិជននឹងមិនទិញអ្នកទេ មិនថាផលិតផលល្អយ៉ាងណា ទោះបីអស្ចារ្យជាងគេយ៉ាង បើសិនពួកគេគ្មានទំនុកចិត្តលើផលិតផល ឬសេវាកម្មរបស់អ្នក។ ហេតុនេះត្រូវយកបេះដូងអតិថិជនឱ្យបាន (ទំនុកចិត្ត) ចាំលក់ផលិតផល ឬសេវាកម្មដល់ពួកគាត់។
ត្រូវចងចាំថា គ្រប់ធាតុផ្សំទាំងនេះ ពុំអាចខ្វះអ្វីម្យ៉ាងបានឡើយ មិនខុសពីធាតុទឹក ដី ភ្លើង ខ្សល់ដែលនាំឱ្យជីវិតរបស់មនុសុ្សសត្វរស់នៅបានលើផែនដីនេះឡើយ៕
អត្ថបទនាំមកជូនដោយ៖ Think Books (នាំសៀវភៅដល់ដៃអ្នក)
