អ្នកប្រាជ្ញ ខុងជឺ តាមអក្សរសាស្ត្រចិនត្រូវបានគេស្គាល់ថា “លោកគ្រូខុង” (តាមប្រតិទិនបុរាណ: ២៨ កញ្ញា ៥៥១ មុនគ.ស – ៤៧៩ មុនគ.ស) គឺជាមហាទស្សនវិទូចិនមួយរូបដ៏ល្បីល្បាញ ដែលបានបង្រៀន និងបន្សល់ទុកនូវទស្សនវិជ្ជាដ៏មានឥទ្ធិពលយ៉ាងជ្រាលជ្រៅចំពោះផ្នត់គំនិត និងជីវិតរស់នៅរបស់ប្រជាជនចិន កូរ៉េ ជប៉ុន និងវៀតណាម។
ថ្ងៃនេះដែរ Think Books សូមមលើកយកទស្សនៈល្អរបស់គាត់ ដើម្បីចែកជូនដល់ប្រិយមិត្តដែលនិយមចូលចិត្តទស្សនៈអប់រំល្អៗរបស់ខុងជឺមួយឃ្លាថា «ទោះបីអ្នកដើរយឺតមិនសំខាន់ សំខាន់អ្នកដើរកុំឈប់»។ លោកចង់បញ្ជាក់ថា ដើម្បីអាចទៅដល់គោលដៅរបស់ខ្លួនបានគឺ មានតែការធ្វើដំណើរទៅមុខ កុំឈប់ឱ្យសោះ ទោះបីហត់នឿយយ៉ាងណា ចូរសម្រាកសិន ហើយបន្តដំណើរទៅរកគោលដៅរបស់ខ្លួនឯងបន្តទៀត ទើបអាចដល់គោលដៅបាន។
ភាពជោគជ័យរបស់មនុស្ស អត់មានផ្លូវកាត់ទេ ប្រៀបដូចយើងរៀនអ៊ីចឹង បើមិនរៀនគឺមិនចេះ ទោះបីយើងជួលអ្នកដទៃរៀនជំនួសយើង ក៏យើងមិនចេះដែរ។ ហេតុនេះចង់ជោគជ័យក្នុងជីវិតប្រឹងប្រែងបន្តដំណើររបស់អ្នកទៅមុខឱ្យជាប់កុំដាច់ មិនយូរទេគង់តែដល់គោលដៅរបស់អ្នកពុំខានឡើយ៕
អត្ថបទរក្សាសិទ្ធិ៖ Think Books
