ការពន្យារអាយុ ពេលណាត្រូវចាប់ផ្តើមពន្យារអាយុមហាសមុទ្រពណ៌ខៀវ ហើយត្រូវធ្វើយ៉ាងណា? គ្រប់ក្រុមហ៊ុនសុទ្ធតែមានពេលឡើង និងពេលចុះ ដោយសារយុទ្ធសាស្រ្តដែលពួកគេប្រើ ហើយបញ្ហាម្យ៉ាងដែលក្រុមហ៊ុនផ្សេងៗ ត្រូវប្រឈមគឺ តើអាចពន្យារអាយុមហាសមុទ្រពណ៌ខៀវបានយ៉ាងម៉េច? ព្រោះទីបំផុត មហាសមុទ្រពណ៌ខៀវរមែងត្រូវលួចចម្លង ហើយប្តូរជាមហាសមុទ្រពណ៌ក្រហម។
ដូច្នេះការស្វែងយល់ពីវិធីពន្យារអាយុ ទើបជារឿងសំខាន់ក្នុងការបង្កើតមហាសមុទ្រពណ៌ខៀវ។ នៅក្នុងសៀវភៅនេះ «យុទ្ធសាស្ត្រមហាសមុទ្រខៀវ» យើងនឹងនិយាយពីវិធីដែលបណ្តាអ្នកដឹកនាំអាចយកទៅប្រើ ដើម្បីប្តូរការបង្កើតមហាសមុទ្រពណ៌ខៀវ ពីភាពជោគជ័យបណ្តោះអាសន្នឱ្យក្លាយទៅជាដំណាក់កាល ដែលអាចពន្យារអាយុបានរហូត។ ក្រៅពីនេះទៀត យើងក៏បានបង្ហាញពីតួនាទីរបស់យុទ្ធសាស្ត្រមហាសមុទ្រពណ៌ខៀវ និងយុទ្ធសាស្ត្រមហាសមុទ្រពណ៌ក្រហមថា វាគាំទ្រគ្នាយ៉ាងម៉េច។ ដើម្បីអាចបង្កើតប្រាក់ចំណេញ ភាពរីកចម្រើន និងបន្ថែមតម្លៃ ប្រេន ក្នុងអនាគត ក្នុងមេរៀនទី១០ យើងនឹងនិយាយដល់ភាពសំខាន់នៃការពន្យារអាយុ។
ដកស្រង់ពីសៀវភៅ៖ យុទ្ធសាស្ត្រមហាសមុទ្រខៀវ ឬ Blue Ocean Strategy
