តើទុក្ខកង្វល់គឺជាអ្វី?
ទុក្ខកង្វល់គឺជាជំងឺផ្លូវចិត្តម៉្យាង។ អ្នកដែលធ្លាក់ចូលក្នុងសភាពនេះតែងមានអារម្មណ៍ថាខ្លួនគ្មនសេចក្តីសុខ ក្រៀមក្រំ ធុញទ្រាន់ មួហ្មង គ្មានកម្លាំងចិត្តស្ទុះស្ទា ផ្តាច់ខ្លួនពីសង្គម ចូលចិត្តនៅស្ងប់ស្ងាត់តែម្នាក់ឯង គ្មានកម្លាំងអស់សង្ឃឹម បាក់ទឹកចិត្ត សម្លឹងមើលជីវិតខ្លួនហាក់គ្មានតម្លៃ មានអារម្មណ៍អស់សង្ឃឹម បាក់ទឹកចិត្ត សម្លឹងមើលជីវិតខ្លួនហាក់គ្មានតម្លៃ គិតថាខ្លួនជាបន្ទុកដល់អ្នកដទៃ ប្រសិនបើមានអាការៈធ្ងន់ធ្ងរជាងនេះ អាចនឹងមិនចង់រស់ ហើយគិតចង់ធ្វើអត្តឃាតជាដើម។
មូលហេតុដែលបង្កឲ្យមានទុក្ខកង្វល់
១.មូលហេតុដែលបណ្តាលមកពីសារពាង្គកាយ
• ដោយសារតែជំងឺផ្លូវកាយដូចជា ភាវៈខួរក្បាលចុះខ្សោយ ស្ទះសរសៃឈាមក្នុងខួរក្បាលចុះខ្សោយ ស្ទះសរសៃឈាមក្នុងខួរក្បាល ជំងឺផាគិនសាន់ (Parkinson’s Disease) ក្រពេញទីរ៉ូអុីត (Thyroid Gland) និងមហារីកលំពែង។
• ដោយសារការប្រើថ្នាំប្រភេទខ្លះដូចជា ថ្នាំព្យាបាលជំងឺលើសឈាម ថ្នាំក្រពះ ថ្នាំបញ្ចុះទឹកនោម និងថ្នាំព្យាបាលជំងឺមហារីកជាដើម។
២. មូលហេតុផ្លូវចិត្ត
• សារជាតិប្រព័ន្ធសរសៃប្រសាទខ្លះទុកក្នុងខួរក្បាលថយបរិមាណ។
• អារម្មណ៍ឆ្លើយតបទៅលើបញ្ហាផ្សេងៗក្នុងជីវិត ភាពតានតឹងដែលកើតឡើងដោយសារតែការខាតបង់ ឬស្ថានភាពដែលបង្កឲ្យមានការសោកស្តាយ មិនសប្បាយចិត្ត ឬកើតមានក្តីទុក្ខកង្វល់ក្នុងចិត្ត។
តើធ្វើយ៉ាងណាទើបដឹងថាខ្លួនកំពុងកើតមានជំងឺទុក្ខកង្វល់?
យើងអាចសង្កេតមើលដោយខ្លួនឯង ដោយយោងតាមទិន្នន័យខាងក្រោម៖
ប្រសិនបើមានអាការៈដូចដែលបានបង្ហាញលើសពី៥ចំណុច ឬច្រើនជាង ហើយមានអាការៈបែបនេះយូរជាងពីរសប្តាហ៍ នោះអាចបញ្ជាក់បានថា អ្នកកំពុងតែមានទុក្ខកង្វល់ក្នុងចិត្តហើយ។
១. មានអារម្មណ៍ធុញ ក្រៀមក្រំ សោកស្តាយ មួម៉ៅគ្មានមូលហេតុ។
២. មានអារម្មណ៍ធុញទ្រាន់នឹងរឿងដែលខ្លួនធ្លាប់ចូលចិត្ត ធ្លាប់ធ្វើ ឬតម្រួវការខាងផ្លូវភេទប្រែប្រួលខុសពីមុន (អាចត្រូវការច្រើន ឬតិចជាងមុន)។
៣. មានអារម្មណ៍ធុញអាហារឬញុាំច្រើនជាងមុន ឡើងទម្ងន់ឬស្រកចុះ
៤. គេងមិនលក់ ឬគេងលក់ស្កប់ជ្រុល។
៥. មានអារម្មណ៍អស់សង្ឃឹម មើលខ្លួនឯងគ្មានតម្លៃ ឬចេះតែបន្ទោសខ្លួនឯង។
៦. មានអារម្មណ៍ល្ហិតល្ហៃ នឿយហត់អស់កម្លាំងដោយពុំដឹងមូលហេតុ។
៧. គ្មានសមាធិក្នុងខ្លួន ភ្លេចច្រើន គ្មានទំនុកចិត្ត មិនហ៊ានសម្រេចចិត្ត។
៨. មានអារម្មណ៍ខ្វល់ខ្វាយក្នុងចិត្ត ល្ហិតល្ហៃ ដោយមិនដឹងពីមូលហេតុ។
៩. មានអារម្មណ៍មួហ្មង ឬធុញទ្រាន់នឹងជីវិត គិតចង់ធ្វើអត្តឃាត។
ប្រសិនបើមានអាការៈទុក្ខកង្វល់ដូច្នេះ តើគួរធ្វើយ៉ាងណា?
ប្រសិនបើមានអាការៈបែបនេះ លោកអ្នកគួរតែប្រញាប់ទៅពិគ្រោះជាមួយគ្រូពេទ្យចិត្តសាស្រ្ត ព្រោះវាគឺជាជំងឺដែលអាចព្យាបាលឲ្យប្រសើរឡើងវិញបាន ឬអាចជាដាច់។ ប៉ុន្តែបើសិនជាមិនាបនទទួលការព្យាបាលដិតដល់ហើយបណ្តោយឲ្យឈឺកាន់តែយូរនោះជំងឺនេះអាចនឹងរើឡើងម្តងទៀតកាន់តែខ្លាំង។ បើក្នុងករណីធ្ងន់ធ្ងរអាចធ្វើបាបខ្លួនឯង ឬអាចធ្វើអត្តឃាត។
ការណែនាំ
- បើមានអាការៈបែបនេះ គួរតែប្រញាប់ទៅជួបពេទ្យចិត្តសាស្រ្តដើម្បីទទួលការព្យាបាល។
- ចូរកុំខ្មាសអៀន ពីព្រោះជំងឺនេះអាចកើតមានចំពោះមនុស្សគ្រប់ប្រភេទ គ្រប់វ័យ និងគ្រប់ជាតិសាសន៍។
- នេះជាជំងឺដែលអាចព្យាបាលឲ្យប្រសើរឡើង ឬអាចជាដាច់។
- ចូរចងចាំថាក្តីទុក្ខកង្វល់ពុំមែនកើតឡើង ដោយសារការគិតតែខ្លួនឯង ភាពទន់ជ្រាយ មិនចេះអត់ធ្មត់ ខ្វះការតស៊ូ ឬភាពធុញថប់នោះទេ។
- គឺជាជំងឺផ្លូវចិត្តដែលត្រូវការការរក្សាព្យាបាលពីពេទ្យចិត្តសាស្រ្ត។
