ការគ្រប់គ្រងបុគ្គលិក គឺជាផ្នែកមួយយ៉ាងសំខាន់ នៃការគ្រប់គ្រង ហើយធាតុផ្សំរបស់វា មានការពាក់ព័ន្ធក្នុងការជ្រើសរើសមនុស្សក្នុងការទៅបំពេញចន្លោះខ្វះខាត ឬតួនាទីដែលខ្វះខាត ហើយបំពេញឱ្យត្រូវកន្លែង ។ ឧទាហរណ៍ម្នាក់នោះ ជំនាញខាងជាងដែក ប៉ុន្តែយកគាត់ទៅដាក់ខាងជាឈើ។ ម្នាក់នឹងជំនាញផ្នែកគណនេយ្យ ប៉ុន្តែយើងដាក់គាត់នៅក្នុងផ្នែករដ្ឋបាល។
ប្រសិនបើមនុស្សពូកែគ្រប់គ្រងធនធានមនុស្ស ម្នាក់នោះប្រាកដជាពូកែប្រមាញ់រកមនុស្សដែលមានទេពកោសល្ យ។ នេះហើយទើបក្រុមហ៊ុន មានភាពរីកចំរើនលឿន ដោយសារមានអ្នកពូកែប្រមាញ់រកអ្នកពូកែៗមកធ្វើការ ។ បន្ទាប់មក អ្នកគ្រប់គ្រងក៏ត្រូវតែជាអ្នកពូកែដាំដើមឈើផងដែរ មានន័យថា កាលពីកូនឈើនៅតូច គឺការមើលថែរក្សាបានល្អ នេះបើប្រៀបទៅនឹងធនធានមនុស្សវិញ គឺអ្នកគ្រប់គ្រងបានបណ្តុះបណ្តាលបុគ្គលិកបានល្អ បើទោះបីគាត់មិនទាន់មានជំនាញល្អនៅឡើយ ប៉ុន្តែអ្នកគ្រប់គ្រងចេះផ្តល់ការបង្ហាត់បង្រៀនទៅបុគ្គលិកនោះបានល្អ។
ដូចនេះក្នុងនាមជា អ្នកគ្រប់គ្រងធនធានមនុស្ស ត្រូវតែចេះរបៀបប្រមាញ់ ចេះរបៀបនេសាទ ត្រូវចេះដាំដុះ ត្រូវចេះបង្ហាត់បង្រៀន ។ អ្នកពូកែគ្រប់គ្រងបុគ្គលិក គឺជាអ្នកពូកែរើសបុគ្គលិកទៅដាក់នៅកន្លែងណា ដែលពួកគាត់មានសមត្ថភាព ឬជំនាញទៅផ្នែកនោះ ។ មួយវិញទៀតអ្នកគ្រប់គ្រង គួរដឹងថាការគ្រប់គ្រងមនុស្សឬបុគ្គលិកមិនមែនជារឿងងាយស្រួលនោះទេ អ្នកត្រូវតែមានភាពអត់ធ្មត់ និងមិនគួរអ៊ូច្រើននោះទេ ។
លោក លី ហាវ ជាស្ថាបនិក និងជានាយកសាលា IDEALLY អន្តរជាតិ បានថ្លែងថា «ប្រសិនបើមនុស្សពូកែគ្រប់គ្រងធនធានមនុស្ស ម្នាក់នោះប្រាកដជាពូកែប្រមាញ់រកមនុស្សដែលមានទេពកោសល្យ ។ នេះហើយទើបក្រុមហ៊ុន មានភាពរីកចំរើនលឿន ដោយសារមានអ្នកពូកែប្រមាញ់រកអ្នកពូកែៗមកធ្វើការ ។ បន្ទាប់មកអ្នកគ្រប់គ្រងក៏ត្រូវតែជាអ្នកពូកែដាំដើមឈើផងដែរ មានន័យថា កាលពីកូនឈើនៅតូច គឺការមើលថែរក្សាបានល្អ នេះបើប្រៀបទៅនឹងធនធានមនុស្សវិញ គឺអ្នកគ្រប់គ្រងបានបណ្តុះបណ្តាលបុគ្គលិកបានល្អ បើទោះបីគាត់មិនទាន់មានជំនាញល្អនៅឡើយ ប៉ុន្តែអ្នកគ្រប់គ្រងចេះផ្តល់ការបង្ហាត់បង្រៀនទៅបុគ្គលិកនោះបានល្អ»។
ដូចនេះក្នុងនាមជា អ្នកគ្រប់គ្រងធនធានមនុស្ស ត្រូវតែចេះរបៀបប្រមាញ់ ចេះរបៀបនេសាទ ត្រូវចេះដាំដុះ ត្រូវចេះបង្ហាត់បង្រៀន។ មួយវិញទៀត អ្នកពូកែគ្រប់គ្រងបុគ្គលិក គឺជាអ្នកពូកែរើសបុគ្គលិកទៅដាក់នៅកន្លែងណា ដែលពួកគាត់មានសមត្ថភាព ឬជំនាញទៅផ្នែកនោះ ។ លោកបានបន្តថា អ្នកគ្រប់គ្រងគួរដឹងថា ការគ្រប់គ្រងមនុស្សឬបុគ្គលិក មិនមែនជារឿងងាយស្រួលនោះទេ ដូចនេះហើយបានជា អ្នកគ្រប់គ្រងត្រូវតែមានភាពអត់ធ្មត់ និងមិនគួរអ៊ូច្រើននោះទេ។
លោក លី ហាវ បានប្រាប់ពីគន្លឹះ ៨ ចំណុច ដូចនេះថា ៖
១- ធ្វើផែនការធនធានមនុស្ស ៖ គឺមានផែនការច្បាស់លាស់ថា ត្រូវប្រើមនុស្សប៉ុន្មាននាក់ ។
២- ដំណើរការនៃការជ្រើសរើសបុគ្គលិក ៖ របៀបនៃការជ្រើសរើសបុគ្គលិក។
៣- ការជ្រើសរើស ៖ វាការសម្រេចក្នុងការជ្រើសរើសបុគ្គលិក ដើម្បីឱ្យគាត់ម្នាក់នោះបានចូលបម្រើការ ។
៤- ដាក់មនុស្សឱ្យត្រូវតាមសមត្ថភាពរបស់គាត់ ៖ មានន័យថា យើងបាន ដាក់គាត់ឱ្យត្រូវទីតាំង ត្រូវតាមតួនាទី និងការធ្វើការណែនាំដំបូង បន្ទាប់ពីសម្រេចទទួលយកពួកគាត់ហើយ។
៥- អ្នកគ្រប់គ្រងត្រូវចេះ បណ្តុះបណ្តាល ៖ ក្នុងនាមអ្នកគ្រប់គ្រង គួតែចេះ បណ្តុះបណ្តាលធនធានមនុស្ស ចេះអភិវឌ្ឍន៍ធនធានមនុស្ស និងកែច្នៃពួកគាត់។
៦- ការវាយតំលៃលើបុគ្គលិក ៖ នេះជាការវាយតំលៃលើការងាររបស់បុគ្គលិក ថាតើការងាររបស់គាត់យ៉ាងម៉េច មានគុណភាពយ៉ាងមិច ស្នាដៃការងាររបស់គាត់យ៉ាងដូចម្តេច និងលទ្ធផលរបស់គាត់យ៉ាងដែរ។
៧- ប្រូម៉ូស៊ិន មកពីពាក្យប្រម៉ូត (Promotion) ៖ មានន័យថា ការដំឡើងមុខងារ ប្រសិនជាគាត់ជា បុគ្គលិកឆ្នើម ឬធ្វើការល្អ ក្នុងការគ្រប់គ្រងមនុស្ស ប្រសិនបើយើងមិនចេះ ប្រូម៉ូតគេក៏មិនបានដែរ ឬក៏គ្មានគោលនយោបាយ ឬគោលការណ៍ក្នុងការដំឡើងឋានៈ ។
៨- ការតបស្នងតម្លៃ ៖ នៅពេលដែល បុគ្គលិកបំពេញគ្រប់គោលការណ៍ដែលក្រុមហ៊ុនចង់បាន ពេលដែលគេបំពេញភារៈកិច្ចអស់ពីចិត្តពីថ្លើម បំពេញដោយការទទួលខុសត្រូវ រួមទាំងលទ្ធផល អ៉ីចឹងត្រូវតែពិចារណាតម្លៃនៃការតបស្នងទៅបុគ្គលិកវិញ ។ ប្រសិនបើយើងមិនមានអស់នឹងទេ អ៉ីចឹងយើងមិនមែនជាអ្នកពូកែគ្រប់គ្រងធនធានមនុស្សឡើយ ៕
