ដងប៉ាកកា គឺជាអាវុធមួយដ៏មានអានុភាព ប៉ុន្តែវាក៏អាស្រ័យនិងម្ចាស់របស់វាផ្ទាល់ ថាចេះប្រើបានល្អដល់កម្រិតណាសម្រាប់បម្រើជាប្រយោជន៏ដល់សង្គមជាតិ និងពិភពលោកទាំងមូល។ ស្មេរគ្រប់រូបដែលជាម្ចាស់ដងប៉ាកកា ត្រូវបានគេប្រដូចទៅនឹងបុគ្គលនាំមុខ ដែរមានសមត្ថភាពផ្ដូចផ្ដើមនូវចលនាផ្លាស់ប្ដូរនិងអភិវឌ្ឍនៅក្នុងសង្គមជាតិមួយឲ្យបានខ្លាំងក្លា។ តាមរយៈតថភាពមួយនេះ យើងអាចមើលឃើញយ៉ាងច្បាស់នូវតូនាទីរបស់អ្នកនិពន្ធ ដែលនេះក៏ត្រូវឲ្យអ្នកនិពន្ធគ្រប់រូបហ្វឹហាត់ និងដុះខាត់សមត្ថភាពរបស់ខ្លួនឲ្យកាន់តែល្អប្រសើរ ទើបអាចបំពេញតួនាទីរបស់ខ្លួនបានយ៉ាងសក្តិសមបំផុត។
តាមរយៈសៀវភៅនេះ យើងខ្ញុំមនឹងនាំបងប្អូនទៅស្ដាប់នូវវត្តមានរបស់ម្ចាស់ដងប៉ាកកាចំនួន២៨រូប ទាំងនៅក្នុងប្រទេសកម្ពុជា ទាំងនៅជុំវិញពិភពលោក ដែលស្នាដៃរបស់ពួកគាត់កំពុងបានបំពេញតួនាទីយ៉ាងសកម្មនិងប្រកបដោយគុណតម្លៃ ក្នុងការផ្លាស់ប្ដូរនិងអភិវឌ្ឍបុគ្គលជាច្រើនរូប ព្រមទាំងឈានទៅដល់ការផ្លាស់ប្ដូរនិងអភិវឌ្ឍនៅក្នុងសង្គមជាតិនិងពិភពលោកទាំងមូលផងដែរ។ ជាពិសេស ភាពជាគំរូរបស់ពួកគាត់ក៏បាននិងកំពុងផ្ដល់នូវឥទ្ធិពលវិជ្ជមានដល់មនុស្សផ្សេងទៀតដែលមានគោលបំណងនឹងក្លាយទៅជាអ្នកនិពន្ធដូចពួកគាត់ដែរ។
