សំណួរល្អដើម្បីក្លាយជាកំពូលអ្នកដឹកនាំ

ហេតុផលមួយដែលការដឹកនាំខ្លួនឯងជារឿងពិបាក ព្រោះពួកយើងមានចំណុចខ្វាក់ដែលបិទបាំងមិនឱ្យមើលឃើញថា បញ្ហានៅត្រង់ណា ហើយធ្វើឱ្យយើងបរាជ័យ។ កាលពីពេលថ្មីៗនេះ ឡារី ស្ទីហ្វែន (Larry Stephens) បានផ្ញើអ៊ីម៉ែលទាក់ទងនឹងប្រធានបទនេះមកកាន់ខ្ញុំដូចនេះ។
ខ្ញុំយល់ថា ស្ទើរគ្រប់គ្នាមានចំណុចខ្វាក់ ដែលធ្វើឱ្យមើលមិនឃើញចំណុចខ្វះខាតរបស់ខ្លួនឯង។ បន្ទាប់ពីមើលព័ត៌មាន និងជាពិសេសអានកាសែតប្រចាំថ្ងៃ Wall Street Journl ខ្ញុំសង្កេតឃើញថា មានអ្នកដឹកនាំជាច្រើនអ្នកត្រូវលាឈប់ពីការងារក្នុងរយៈពេលប៉ុន្មានឆ្នាំមកនេះ ដែលអាចមកពីចំណុចខ្វាក់របស់ខ្លួនឯង។ ពួកគេគ្រាន់តែគិតមិនដល់ថា រឿងបែបនេះនឹងកើតចំពោះខ្លួនឯងបាន… ខ្ញុំយល់ថា ចំណុចខ្វាក់មិនមែនមានតែមួយប្រភេទដូចដែលធ្លាប់យល់មកទេ ទម្លាប់ដែលខ្វះចន្លោះអាច ឬមិនអាចនោះ ជាចំណុចខ្វាក់ក៏បាន។ ចំណុចខ្វាក់អាចជាការឈ្លក់វង្វេង ឬងប់ងល់នឹងអ្វីម្យ៉ាងរហូតខុសប្រក្រតី ជាភាពទន់ខ្សោយ ការប្រកាន់ខ្លួន ការមិនដឹង ការមិនយកចិត្តទុកដាក់ ឬអាចមិនមែនអ្វីដែលនិយាយមកទាំងនោះ។