ភាពខុសគ្នាដ៏ធំធេងមួយរវាងបុគ្គលជោគជ័យ និងបរាជ័យមិនមែន ដោយសារទ្រព្យសម្បត្តិ ឱកាស បញ្ញា ចំណេះដឹងនោះទេ ប៉ុន្តែពីព្រោះអ្នក ជោគជ័យភាគច្រើនជាបុគ្គលដែលចេះលើកទឹកចិត្ត និងអភិវឌ្ឍន៍ខ្លួនឯងជាប្រចាំ ទោះគេស្ថិតក្នុងកាលៈទេសៈណាក៏ដោយ។ គេចេះលើកទឹកចិត្តខ្លួនឯង រាល់ពេលបាក់ទឹកចិត្ត ដោយមិនចាំបាច់អ្នកដទៃ។ គេអាចក្រោកឈររាល់ពេលដួល ដោយមិនចាំបាច់អ្នកដទៃលើកគ្រាហ៍គេឡើង។ គេអាចគ្រប់គ្រង និងឆ្លៀតទាញយកប្រយោជន៍រាល់ពេលជួបបញ្ហា ដោយមិនចាំបាច់គេចវេស។ គេអភិវឌ្ឍន៍ខ្លួនបានយ៉ាងប្រសើរ ដោយមិនចាំបាច់ទាល់តែគេបង្រៀន។ គ្រប់យ៉ាងគេអាចធ្វើបាន ពីព្រោះគេមានឆន្ទៈពិតប្រាកដ មានកំលាំងចិត្ត ការប្តេជ្ញាចិត្តខ្ពស់ និងដឹងយ៉ាងច្បាស់ពីរបៀបធ្វើ។
