សាមកុក គឺជារឿងភាគនិទានបុរាណរបស់ចិនដ៏ល្បីល្បាញបំផុតនិងជាវណ្ណកម្មដ៏ល្អឯកដែលវីកល្បីឈ្មោះឡគួនចុងបាននិពន្ធឡើងនៅក្នុងរាជវង្សម៉េងក្នុងអំឡុងឆ្នាំ ១៣៦៨ ១៦៤៣ ទាំងអស់មានចំនួន១២០វគ្គក្រោយមកមានបណ្ឌិតពីរនាក់ទៀតបានជួយនិពន្ធពាក្យអធិប្បាយនិងបន្ថែមរឿងរ៉ាវមួយចំនួនកែសម្រួលរហូតដល់រឿង«សាមកុក»ចប់បរិបូរហើយចាប់ផ្តើមបោះពុម្ពជាសៀវភៅដោយមានការនិយមជាច្រើននៅក្នុងប្រទេសចិន។យោងតាមប្រវត្តិសាស្រ្តប្រទេសចិននៅអំឡុងឆ្នាំ១៨៤ដល់២៨០នៃរជ្ជកាលស្តេចហានក្រុមស្តេចចិននិងមេទ័ពចិនបានប្រើល្បិចគ្រប់លទ្ធភាពដែលអាចធ្វើទៅបានច្បាំងដណ្ដើមទឹកដីគ្នាទៅវិញទៅមកហើយគ្រប់កលល្បិចទាំងនោះត្រូវបានប្រមូលចងក្រងទុកនិងវិភាគយ៉ាងស៊ីជម្រៅដែលមាននៅក្នុងដៃរបស់លោកអ្នកអាននេះ
ជាការសង្កេតផ្ទាល់ខ្លួនបច្ចុប្បន្ននេះរឿងសាមកុកហាក់បានជ្រាបជ្រួលពេញសង្គមខ្មែរព្រោះរឿងភាគនេះបានបង្កប់នូវល្បិចយុទ្ធសាស្ត្ររបៀបវិភាគមនុស្សនិងការប្រើមនុស្សវិធីសាស្រ្តសង្គ្រាមវិធីសាស្ត្រជំនួញវិធីសាស្ត្រចរចារការដឹកនាំនិងការគ្រប់គ្រងវិធីសាស្ត្រចងមិត្តបំបែកមិត្តទិញទឹកចិត្តដៃគូរប្រឆាំងសិល្បៈនយោបាយដូច្នេះទើបយើងខ្ញុំចំណាយពេលជ្រើសយកនៅទស្សនៈ ល្អៗពីក្នុងសាច់រឿងទាំងមូលមកវិភាគវែកញែកដើម្បីរួមចំណែកចែករំលែកគំនិតនិងជាការផ្ដល់បញ្ញាស្មារតីនិងបង្កើតនូវចំណេះដឹងថ្មីៗផងដែរ
