ខ្ញុំសង្ឃឹមថា មុននឹងប្រិយមិត្តចាប់សៀវភៅប្រវត្តិសាស្ត្រនេះអាន សូមបើកចំហនូវផ្នត់គំណិតឱ្យបានទូលំទូលាយ ដើម្បីទទួលយកការណ៍ពិតនៃប្រវត្តិសាស្ត្រទាំងចំណុចវិជ្ជមាន និងអវិជ្ជមានផង។ «សូមកុំមានគំនិតថា នៅពេលដែលនរណាម្នាក់លើកសរសើរ
ជាក់ស្តែងនៅក្នុងសម័យកាលអាណានិគមន៍បារាំងនៅកម្ពុជា ក្នុងប្រវត្តិសាស្ត្រខ្មែរភាគច្រើន ដែលអ្នកនិពន្ធបានរំលេចតែភាពអវិជ្ជមានរបស់បារាំងតែប៉ុណ្ណោះ តើហេតុអ្វីបានជាពួកគេធ្វើបែបនេះ? ជាការណ៍ពិតណាស់ ព្រោះពួកគេចង់រំលេចពីវីរជន ដែលតែងតែតាំងខ្លួនឯងជាអ្នកស្នេហាជាតិ ជាអ្នកតស៊ូប្រឆាំងនឹងបារាំង។ ដូច្នោះបើគេមិនលើកពីចំណុចអវិជ្ជមានរបស់បារាំងទេនោះ ធ្វើយ៉ាងណាទើបឱ្យពួកគេក្លាយជាវីវបុរសរបស់ជាតិបានទៅ? ប៉ុន្តែអ្វីដែលពួកគេធ្វើនៅពេលនោះ គឺគ្រាន់តែជាឧបករណ៍របស់ សៀម-យួន តែប៉ុណ្ណោះ ព្រោះពួកគេពុំបានគិតពីសមត្ថភាពការពារជាតិរបស់ខ្មែរនោះទេ។
ដូចដែលឃើញហើយថា នៅពេលបារាំងចូលស្រុក ខ្មែរយើងកាន់កាំភ្លើងឈើនៅឡើយទេ ដូច្នេះតើខ្មែរយកអ្វីទៅការពារជាតិ បើគ្មានកងទ័ពបារាំង? ដោយសារតែរឿប្រវត្តិសាស្ត្រស្ថិតនៅក្រោមឥទ្ធិពលនយោបាយបែបនេះហើយ ទើបធ្វើឱ្យកូនខ្មែរនៅមានភាពស្រពិចស្រពិលជាច្រើន ចំពោះប្រវត្តិសាស្ត្ររបស់ខ្លួនឯង។ ដូច្នេះសៀវភៅនេះ នឹងបង្ហាញពីការណ៍ពិតទាំងអស់នៃប្រវត្តិសាស្ត្រខ្មែរ មិនថាចំណុចវិជ្ជមាន ឬអវិជ្ជមាននោះឡើយ។ ម្យ៉ាងវិញទៀត ដោយសារតែអ្នកនយោបាយខ្មែរមួយចំនួនមិនទទួលយកចំណុចអវិជ្ជមាន ខិតខំប្រឹងព្យាយាមលាក់បាំងមិនឱ្យកូនខ្មែរដឹងការណ៍នៃប្រវត្តិសាស្ត្ររបស់ខ្លួនបែបនេះហើយ ទើបធ្វើឱ្យការដឹកនាំជាតិចេះតែដើរជាន់ដានប្រវត្តិសាស្ត្រច្រំដែលៗ។
ខ្ញុំសង្ឃឹមថា ប្រិយមិត្តនឹងយោគយល់រា់ចំណុចខ្វះខាតទាំងឡាយដែលកើតមាន ព្រោះយើងដឹងហើយថា Research គឺជាការសិក្សាស្រាវជ្រាវសារឡើងវិញដដែលៗ ដើម្បីស្វែងរកនូវចំណុចខ្វះខាតពីរៀមច្បងមុនៗ។ ជាងនេះទៅទៀតការស្រាវជ្រាវនេះគ្រាន់តែចង់ស្វែងរកការពិតនៃប្រវត្តិសាស្ត្រខ្មែរតែប៉ុណ្ណោះ គឺពុំមានបំណងណាមួយបន្តុះបង្អាប់ ចាប់កំហុស អូសដំណើរទៅលើឥស្សរជននយោបាយណាមួយឡើយ គឺគ្រាន់តែចង់ឱ្យកុលបុត្រកុលធីតាខ្មែរ យល់ដឹងពីប្រវត្តិសាស្ត្រពិតរបស់ខ្លួនប៉ុណ្ណោះ។
«ខ្មែរអើយចូរចាំ រាប់រយពាន់ឆ្នាំ សៀម-យួនប្រាថ្នា
ប្លន់យកទឹកដី កេរពីដូនតា បំបាត់ខេមរា
ពីលើលោកិយ៍»
