តើអាចស្វែងរកគំនិត ក្នុងការធ្វើជំនួញបានមកពីណា?

នៅពេលអ្នកចាប់ផ្ដើមគិតដូចម្ចាស់ជំនួញ អ្នកនឹងសង្កេតឃើញថាគំនិតក្នុងការធ្វើជំនួញមាននៅគ្រប់ទិសទី។ ពេលទៅទិញអីវ៉ាន់នៅតាមតូបលក់អីវ៉ាន់ ចូរអ្នកសង្កេតវិធីដែលម្ចាស់តូបបានរៀបចំដាក់ស្លាកយីហោផ្សេងៗ ពេលដែលទៅភោជនីយដ្ឋាន ចូរសង្កេតតម្លៃមុខម្ហូប មិនមែនមើលគ្រាន់សម្រាប់គិតលុយដែលត្រូវចាយនោះទេ តែត្រូវមើលដើម្បីប្រៀបធៀបជាមួយនឹងតម្លៃរបស់ភោជនីយដ្ឋានផ្សេងៗផងដែរ។ នៅពេលអ្នកឃើញការផ្សាយពាណិជ្ជកម្មម្យ៉ាង ចូរសួរខ្លួនឯងថា «តើអ្វីជាចំណុចសំខាន់បំផុត ដែលក្រុមហ៊ុននេះកំពុងព្យាយាមប្រាប់ដល់អ្នក»។ ក្នុងពេលដែលអ្នកកំពុងគិតដូចម្ចាស់ជំនួញ អ្នកនឹងអាចសង្កេតឃើញថា ឱកាសក្នុងការធ្វើជំនួញខ្នាតតូចនោះ មាននៅគ្រប់ទិសទីដែលអ្នកបោះជំហ៊ានទៅ។

សៀវភៅល្អមួយក្បាលនេះ នឹងបង្ហាញអំពីវិធីដើម្បីឲ្យអ្នកចំណាយទិច តែអាចក្លាយជាអ្នកមាន ឬម្ចាស់ជំនួញបានដោយងាយតាមវិធីសាស្ត្រប្រើត្រឹមលុយ ១០០ដុល្លារ តែប៉ុណ្ណោះ។

ប្រវត្តិខ្លះៗរបស់អ្នកនិពន្ធ៖

លោក Chris Guillebeau ជាអ្នកនិពន្ធ ជាម្ចាស់ជំនួញ និងជា Blogger ដែលមានឈ្មោះល្បីម្នាក់។ ស្នាដៃរបស់គាត់មានច្រើនក្បាលដែលជាប់លំដាប់ថ្នាក់សៀវភៅលក់ដាច់ជាងគេនៅ The New York Times មានដូចជា The Happiness of Pursuit, Born for This, The Art of Non-Conformity និងថ្មីៗនេះ The Side Hustle ដែលសុទ្ធជាសៀវភៅបង្ហាញពីការរកលុយបានយ៉ាងឆ្លាតវៃ បើបីជាអ្នកមិនមានពេលវេលាច្រើន ឬទុនតិចតួចក៏ដោយ។ ក្រៅពីនេះ គាត់ថែមទាំងបានធ្វើដំណើរជុំវិញពិភពលោក និងសរសេរពាក្យណែនាំទាក់ទងនឹងការដើរកម្សាន្ត ការអភិវឌ្ឍខ្លួនឯង និងការធ្វើជំនួញខ្នាតតូចដាក់ក្នុងវេបសាយ Unconventional Guide ថែមទាំងសរសេរអត្ថបទឲ្យទស្សនាវដ្តី Business Week ថែមទៀតផង។