រឿងរ៉ាវជាច្រើនពី ចេហ្វហ្វ៍ បេសូស អ្នកជំនួញលក់ទំនិញអនឡាញដ៏ធំបំផុត និងជាកំពូលមហាសេដ្ឋីលំដាប់ពិភពលោកដែលលោកអ្នកមិនបានដឹង។
បេសូស ជាអ្នកគ្រប់គ្រងដែលចូលចិត្តហែកច្បាប់។ អតីតអ្នកគ្រប់គ្រងម្នាក់និយាយថា អំឡុងពេលសម្រាកហាលថ្ងៃគ្រាមួយ អ្នកគ្រប់គ្រងផ្សេងៗទៀតបានប្រាប់ថា បុគ្គលិកនៅក្នុងក្រុមហ៊ុនគួរទំនាក់ទំនងគ្នាឱ្យកាន់តែច្រើន ស្រាប់តែ បេសូស ក្រោកឈរឡើងឱ្យស្រែកថា «មែនហើយ! ការទំនាក់ទំនងវាមិនបានការ!» គេចង់បានក្រុមហ៊ុនដែលបែងចែកអំណាច ឬអាចដល់ថ្នាក់គ្មានរបៀប ដើម្បីឱ្យបុគ្គលិកមានឥស្សរភាពផ្នែកគំនិត ដោយមិនត្រូវឲ្យគេដឹកច្រមុះបានងាយ។ គេគ្រប់គ្រងក្រុមហ៊ុនដោយ «ក្រុមការងារភីហ្សាពីរថាស» ដែលមានន័យថា ក្រុមការងារណាក៏ដោយត្រូវមានទំហំតូចល្មម ដែលនឹងប៉ាវភីហ្សាពីរថាសបាន។
