សៀវភៅនេះ សរសេររៀបរាប់ពីដំណើរជីវិត និងដំណើរដ៏វែងឆ្ងាយក្នុងការកសាងយីហោយក្សាបោកអ៊ុតរបស់បងប្រុសហែម ហេម៉ា ផ្ទាល់តែម្តង។ ពិសេស ការបោះជំហានហ៊ានចេញរកស៊ីទាំងវ័យក្មេង(១៩ឆ្នាំ) ប្រឡូកក្នុងអាជីវកម្មអស់ពេលជាង២០ឆ្នាំ ជាង១០ប្រភេទអាជីវកម្មផ្សេងគ្នា ស្គាល់តែពាក្យបរាជ័យ រកស៊ីខាត បាក់ទឹកចិត្ត រហូតកើតមានចិត្តចង់សម្លាប់ខ្លួនព្រោះតែបំណុលដ៏ច្រើនលើសលប់ហួសពីក្តីរំពឹងទុកជិត៣០ម៉ឺនដុល្លារអាមេរិកឯណោះ។
បំណុលដ៏ច្រើនក្នុងវ័យមិនទាន់៣០ឆ្នាំស្រួលបួលនេះ ត្រូវបានលោកហែម ហេម៉ាដោះអស់គ្មានសល់ចំណាយពេលមិនដល់២ឆ្នាំផង បន្ថែមពីនេះលោកបានធ្វើឱ្យអាជីវកម្មដ៏សាមញ្ញ និងតូចតាចមែនទែន ហើយថែមទាំងជាអាជីវកម្មដែលលោកផ្ទាល់ធ្លាប់មើលងាយមិនឱ្យតម្លៃថែមទៀត ទទួលបានជោគជ័យលើសពីការស្មាន ពង្រីកសាខាបានយ៉ាងឆាប់រហ័សជាង១,០០០កន្លែងទូទាំងប្រទេស ហើយវាក៏ជាអាជីវកម្មមួយប្រភេទដែលពង្រីកខ្លួនបានច្រើនបំផុតមិនធ្លាប់មានក្នុងពិភពលោក។
សៀវភៅនេះ គឺជាសារចែករំលែកចំណេះដឹង បទពិសោធន៍ និងមេរៀនអប់រំដ៏មានតម្លៃជាច្រើនពាក់ព័ន្ធនឹងអាជីវកម្ម ក៏ដូចជីវិតពិតនៅក្នុងសង្គមផងដែរ ហើយសៀវភៅនេះទៀតសោត សាកសមបំផុតសម្រាប់អ្នកចង់រកស៊ី អ្នកត្រៀមចេញរកស៊ី អ្នករកស៊ីថ្មីថ្មោង អ្នកកំពុងរកស៊ីខាត អ្នកដែលកំពុងជាប់បំណុលវ័ណ្ឌក អ្នកដែលមិនចង់រកស៊ីមានបំណុល អ្នកដែលកំពុងបាក់ទឹកចិត្តក្នុងការរកស៊ី និងអ្នកដែលចង់ស្វែងយល់ពីអាជីវកម្មហ្វ្រេនឆាយ (Franchise) ជាដើម4000។
