អ្នកទាំងអស់គ្នាពិតជាប្រាថ្នា ចង់ជួយមិត្តភក្តិនិងមនុស្សដែលមានទំនាក់ទំនងជាមួយអ្នក។ ទោះបីជាយ៉ាងណាក៏ដោយ បើអ្នកចង់ជួយពួកគេ អ្នកក៏ត្រូវតែរើសមនុស្សបន្តិចដែរ។ អ្នកប្រហែលជាត្រូវជ្រើសរើសជួយមនុស្សណា ដែលសកម្មភាពរបស់ពួកគេអាចនឹងមានឥទ្ធិពលលើសេចក្ដីសុខ ក្នុងការរស់នៅរបស់អ្នកដែរ។ ស្តាប់ទៅហាក់ដូចជាអាត្មានិយមបន្តិចហើយមែនទេ? កុំទាន់អាលវិនិច្ឆ័យអី!
ចូរសរសេរឈ្មោះរបស់បុគ្គលម្នាក់នោះ នៅលើបន្ទាត់ទំព័រទី២ ក្នុងសៀវភៅនេះ។ បន្ទាប់មកសូមសរសេរឈ្មោះឬបិទតែមឈ្មោះរបស់អ្នក ជាលក្ខណៈបុគ្គលនៅបន្ទាត់ទីពីរ (នៅក្រោមឈ្មោះ មនុស្សដែលអ្នកបានប្រគល់សៀវភៅនេះជូន)។
ជូនសៀវភៅនេះជាអំណោយសម្រាប់គាត់ ហើយសំណូមពរឱ្យគាត់ អានសៀវភៅនេះឱ្យបានចប់សព្វគ្រប់ ពីព្រោះ ពួកគេក៏ទទួលរងឥទ្ធិពលពីមនុស្សដែលរស់នៅជុំវិញខ្លួនរបស់ពួកគេផងដែរ។
អ្នកអាចប្រគល់សៀវភៅនេះជាច្រើនក្បាលបន្ថែមទៀតជូនទៅបុគ្គលដែលអ្នកចង់ជួយ ប៉ុន្តែសូមកុំសរសេរឈ្មោះរបស់អ្នកនៅលើសៀវភៅទាំងនោះអី ដោយទុកឱ្យគាត់សរសេរឈ្មោះរបស់គាត់ដោយខ្លួនឯងវិញ នៅពេលដែលគាត់ចង់ប្រគល់សៀវភៅទាំងនោះ ទៅឱ្យនរណាម្នាក់ ដែលប្រាស្រ័យទាក់ទងនឹងជីវិតរបស់គាត់ ។
តាមរយៈការបន្តសកម្មភាពបែបនេះ អ្នកនឹងអាចបង្កើននូវសក្តានុពលនៃសេចក្តីសុខក្នុងការរស់នៅសម្រាប់ខ្លួនអ្នកផ្ទាល់ ក៏ដូចជាសម្រាប់អ្នកទាំងឡាយណាដែលបានទទួលសៀវភៅនេះ។
នេះគឺជាមាគ៌ាឆ្ពោះទៅរកជីវិតមួយ ដែលពោរពេញដោយភាពរីករាយជាងមុន មានសុខសុវត្ថិភាពជាងមុន សម្រាប់ខ្លួនឯងនិងជនទាំងឡាយជុំវិញ ។
