សៀវភៅនេះជាបណ្ដុំអត្ថបទអប់រំ និងទស្សនៈលើក ទឹកចិត្ត ដល់អ្នកដែលមានអារម្មណ៏ថាខ្វះភាពកក់ក្ដៅ ខ្វះការលើក ទឹកចិត្តមានអារម្មណ៍ឯកា និងកំពុងចួបប្រទះបញ្ហានៅក្នុងជីវិតជា ដើមទំព័រជីវិតរបស់មនុស្សម្នាក់ៗបានរំលេចចេញសាច់រឿងជីវិត ផ្សេងពីគ្នា។ អ្នកខ្លះមានសំណាងបានកើតក្នុងត្រកូលគ្រួសារ ស្តុក ស្ដម្ភរស់នៅយ៉ាងសុខស្រួលរីឯអ្នកខ្លះទៀតកើតក្នុងត្រកូលគ្រួសារក្រី ក្រ រកព្រឹកខ្វះល្ងាច អ្នកខ្លះក៏អភ័ព្វកំព្រាឪពុក កំព្រាម្តាយ ហើយអ្នក ខ្លះទៀតកំព្រាទាំងឪពុកទាំងម្តាយផងក៏មាន។ យើងទាំងអស់គ្ន ដ្បិតតែមិនមែនកើតចេញពីផ្ទៃម្តាយតែមួយជាមួយគ្នា មិនបានកើតថ្ល តែមួយជាមួយគ្នា តែយើងក៏បានមកដល់មកភពផែនដីនេះជាមួយគ្នា គ្រាន់តែមកមុន និងមកក្រោយតែប៉ុណ្ណោះ។
មិនសំខាន់ថាពេលនេះ ជីវិតកំពុងស្ថិតនៅក្នុងស្ថាបភាព បែបណានោះទេឱ្យតែយើងមានការប្រឹងប្រែងអត់ធ្មត់តស៊ូ និងហ៊ាន ផ្លាស់ប្ដូរ ដើម្បីឆ្ពោះទៅរកឆាកជីវិតនៅក្នុងក្តីស្រមៃ យើងប្រាកដជាអាចធ្វើបាន ដំណើរផ្សងព្រេងក្នុងឆាកជីវិតមិនមែនជារឿងងាយ ស្រួលនោះទេ បើយើងមិនមានភាពរឹងមាំគ្រប់គ្រាន់ដើម្បីប្រឈម មុខជាមួយបញ្ហាទេនោះយើងច្បាស់ជាត្រូវបញ្ហាគ្របសង្កត់ជាមិនខាន។ ទោះបីជាយ៉ាងនេះក្តី យើងគប្បីត្រូវមានភាពក្លាហាន និងមានភាព រឹងមាំគ្រប់គ្រាន់ ដើម្បីផ្លាស់ប្តូរពីភាពលំបាកលំបិនក្នុងពេលនេះឱ្យ មានភាពប្រសើរឡើង។
បរាជ័យដ៏ធំបំផុតរបស់មនុស្ស ការមិនហ៊ានផ្លាស់ប្ដូរ ដំណើរជីវិត។ អង្ករដែលមិនបានឆ្លងកាត់ក ក៏មិនអាចក្លាយជា បាយឬបបរបាននោះទេ។ ដុំថ្មដែលមិនបានឆ្លងកាត់ការដាប់ឆ្លាក់ វា នឹងមិនអាចក្លាយជារបស់មានតម្លៃបានទេ ។ ដង្កូវដែលមិនព្រមបក ខ្លួនចេញពីសម្បកក៏មិនអាចក្លាយជាមេអំបៅស្រស់ស្អាត និងអាច មើលឃើញពិភពលោកដ៏អស្ចារ្យបានដែរ កូនមាន់ដែលមិនប្រឹង ប្រែងយកចំពុះបំបែកសម្បក វានឹងក្លាយជាពងមាន់ចាំសម្បុកជាក់ជា មិនខាន។ ក្ដាមដែលមិនចេញពីសម្បកស្នូកក៏មិនអាចធំបានដែរ។ សត្វឥន្ទ្រីដែលមិនព្រមជម្រះស្លាបចាស់ៗ ចំពុះ និងក្រញាំរបស់ខ្លួន ប្រាកដណាស់ថាវានឹងឆាប់ស្លាប់។
មានតែមនុស្សល្ងង់ទេដែលគិតដដែលៗ និងធ្វើនូវ សកម្មភាពដដែលៗ ហើយរំពឹងទទួលបានលទ្ធផលថ្មីដែលអស្ចារ្យ ជាងមុន។ សូម្បីតែធម្មជាតិ ក៏មានការផ្លាស់ប្ដូរច្រើនយ៉ាងនេះទៅ ហើយ ចុះយើងជាមនុស្សដែលមានការគិតពិចារណា សតិសម្បជញ្ញៈ មានវិចារណញ្ញាណនៅខ្លាចដល់ណា? ភ័យដល់ណា? សុញសាញ ដល់ណា? រុញរាដល់ណាទៀត?
ការផ្លាស់ប្ដូរ វាមិនមែនជារឿងងាយស្រួលប៉ុន្មាននោះទេ វាត្រូវឆ្លងកាត់ការឈឺចាប់ ត្រូវស៊ូទ្រាំ ត្រូវអត់ធ្មត់ ត្រូវបែកញើសជោក ខ្លួន ត្រូវយកទឹកភ្នែកទៅប្ដូ ត្រូវការពេលវេលាសម្រាប់ព្យាបាល របួស ត្រូវជម្នះគ្រប់ឧបសគ្គ ទើបអាចឆ្លាក់ជីវិតដ៏ល្អប្រសើរបាន។ គ្រប់យ៉ាងមានតែពាក្យមួយឃ្លាគត់គឺ “ហ៊ានផ្លាស់ប្តូរ”។
ដោយសារតែហេតុនេះហើយ ទើបយើងខ្ញុំជាក្រុមការងារ នគរស្មេរ បានខិតខំទាំងយប់ទាំងថ្ងែចងក្រងសៀវភៅក្រោមចំណង ជើងថា “ហ៊ានផ្លាស់ប្តូរ” នេះឡើងដែលជាជំនួសសម្រាប់ជួយផ្ដល់នូវ ទស្សនៈគំនិត គិតឱ្យឈ្នះបញ្ហាទាំងឡាយដែលយើងបានចួបប្រទះ ហើយក៏សង្ឃឹមថាសៀវភៅមួយក្បាលនេះនឹងក្លាយជាមិត្តដ៏ល្អ និងជាទីប្រឹក្សាយោបល់ដល់ប្រិយមិត្តអ្នកអានទាំងអស់គ្នាឱ្យកាន់តែទទួល បានជោគជ័យក្នុងជីវិត។
ជាចុងក្រោយយើងសង្ឃឹមថាបងប្អូន មិត្តអ្នកអានទាំង អស់ដែលកំពុងអានសៀវភៅនេះអានដោយយកចិត្តទុកដាក់ និង យកមតិដែលល្អ បានទៅប្រើប្រាស់នៅក្នុងជីវិតប្រចាំថ្ងៃឱ្យរីករាយ «ចូររីករាយនូវជីវិតមួយនេះនិងរីករាយនូវអ្វីដែលអ្នកមានតស៊ូដើម្បី ភាពជោគជ័យនៅថ្ងៃមុខទាំងអស់គ្នា»។
