នៅក្នុងសៀវភៅនេះមិនមែននិយាយរៀបរាប់ត្រឹមតែសង្រ្គាមរបស់ អ៊ីស្រាអែល ឬ ការប្រយុទ្ធគ្នាក្នុងសមរភូមិរបស់អ៊ីស្រាអែល តែប៉ុណ្ណោះទេ ប៉ុន្តែសៀវភៅមួយក្បាលនេះ ក៏និយាយារៀបរាប់ផងដែរ អំពីចរិកលក្ខណៈរបស់ជនជាតិ អ៊ីស្រាអែល និង ការរៀបចំកងកម្លាំងប្រដាប់អាវុធថ្នាក់ជាតិរបស់អុីស្រាអែល។ បើយើងក្រឡេកមកមើលជម្លោះរវាងអារ៉ាប់ប៉ាឡេស្ទីន និង អុីស្រាអែល វាគឺជាជម្លោះនោះបានកើតឡើងជាង ៥ទសវត្សរ៍មក
ហើយ។ សម្រាប់ជាតិសសាន៍អុីស្រាអែល គ្រប់ៗរូប ពួកគេកើតមកភ្លាមគឺត្រូវទទួលរងអំរែកការពារជាតិភ្លាម មិនថាបន្ទុកពន្ធដា និង មិនថាកាតព្វកិច្ចបម្រើយោធានោះទេ គឺពួកគេត្រូវតែដើរឱ្យមុនសកលោកជានិច្ច ហេតុផលដែលពួកគេត្រូវធ្វើបែបនេះ នោះមកពីពួកគេមានសត្រូវច្រើន ហើយសត្រូវនោះទៀតសោធ ក៏មានគ្នាច្រើនទៅទៀត។
ហើយសៀវភៅនេះនឹងបង្ហាញអ្នកអាននូវចំណុចដូចខាងក្រោមនេះ
– មូលហេតុដែល អ៊ីស្រាអែល អាចយកឈ្នះលើបណ្តាលប្រទេស ដូចជា៖ អេហ្ស៊ីប, ហ្ស៊កដានី, លីបង់, ស៊ីរី…..
– យុទ្ធសាស្ត្រយកឈ្នះសង្រ្គាមរបស់ អ៊ីស្រាអែល ក្រោយប្រកាសឯករាជ្យឆ្នាំ១៩៤៧។
- របៀបដែលអ៊ីស្រាអែលអាចគ្រប់គ្រងទឹកដីប៉ាឡេស្ទីន បានដោយស្រប់ច្បាប់អន្តរជាតិ។
– របៀបដែលអ៊ីស្រាអែលប្រមូលកងទ័ព និង ភាពអងអាចក្លាហាននៃកងទ័ពប្រជាជន។
– យុទ្ធសាស្ត្រកៀងគរប្រជាជនជ្វីហ្វពីជុំវិញពិភពលោកឱ្យចូលមកទឹកដីប៉ាឡេស្ទីន (ប្រទេសអ៊ីស្រាអែល សព្វថ្ងៃ)។
– យុទ្ធសាស្ត្ររៀបចំកងទ័ពរបស់ អ៊ីស្រាអែល ពីកងទ័ព និង ប្រជាជនគ្មានជំនាញ ប្រែក្លាយជាកងទ័ព និង ប្រជាជនខ្លាំង។
– ការរៀបចំសព្វាវុធ និង ការប្រមូលថវិការដើម្បីផ្គត់ផ្គងលើវិស័យយោធាអ៊ីស្រាអែល។
