យឺតដើម្បីលឿន គឺជាសៀវភៅមួយដែលត្រូវបានសរសេររួមគ្នាឡើងដោយអ្នកឯកទេសបណ្តុះបណ្តាលអភិ វឌ្ឍន៍ផ្នត់គំនិតនិងការលើកទឹកចិត្ត និងសហគ្រិននិងជាអ្នកបណ្តុះបណ្តាលភាពជាអ្នកដឹកនាំដ៏មានឥទ្ធិពលម្នាក់។ ដំណើរឆ្ពោះទៅរកភាពជោគជ័យនៅក្នុងជីវិតប្រកបដោយសេចក្តីសុខទាមទារឱ្យមានវត្តមានកត្តាពីរយ៉ាង៖ទីមួយ បំណិនជីវិត និងទីពីរជំនាញហិរញ្ញវត្ថុ។ ជាមួយបទពិសោធន៍ជាក់ស្តែងជាងដប់ឆ្នាំ អ្នកនិពន្ធទាំងពីរបានបញ្ចូលវិធីសាស្ត្រ តិចនិច និងបទពិសោធន៍ជាក់ស្តែង ដើម្បីដឹកនាំខ្លួនឆ្ពោះទៅរកគុណភាពនៃជីវិត (គណនីជីវិតនិងគណនីធនាគារ)ប្រកបដោយសេចក្តីសុខព្រមគ្នានៅក្នុងសៀវភៅមួយនេះ។ ដូច្នេះ សៀវភៅនេះនឹងបង្ហាញមិត្តអ្នកអានឱ្យយល់ដឹងពី៖
- និយមន័យនៃពាក្យ “ជោគជ័យ”និងគោលការណ៍ជីវិត (អ្វីដែលត្រូវធ្វើ និងមិនត្រូវធ្វើជាដាច់ខាតក្នុងជីវិត)
- អាថ៌កំបាំងធម្មជាតិទាំងប្រាំបី ដើម្បីធ្វើឱ្យមានសុខភាពល្អ
- វិធីសាស្ត្រកសាងថាមពលផ្លូវចិត្ត (ប្រភពនៃថាមពលមិនចេះរីងស្ងួត)
- វិធីសាស្ត្របង្កើតនិងបង្កើនការប្រាស្រ័យទាក់ទងប្រកបដោយប្រសិទ្ធភាព
- វិធីសាស្រ្តសាងមន្តស្នេហ៍ឱ្យពូកែលក់និងលក់ប្រកបដោយប្រសិទ្ធភាពខ្ពស់
- វិធីសាស្ត្រកសាងភាពមានបាន
- វិធីសាស្រ្តបង្កើតជំនឿអំពីលុយ ផ្នត់គំនិតអ្នកក្រនិងអ្នកមាន
- វិធីសាស្រ្តត្រួតពិនិត្យរបាយការណ៍ហិរញ្ញវត្ថុអ្នកក្រ អ្នកមធ្យម និងអ្នកមាន
- វិធីសាស្រ្តឆ្ពោះទៅរកសេរីភាពហិរញ្ញវត្ថុទាំងប្រាំមួយ
- វិធីសាស្ត្របង្កើតផ្លូវកាត់ដើម្បីទទួលបានសេរីភាពហិរញ្ញវត្ថុ
- វិធីសាស្រ្តស្វែងរកនិងប្រើប្រាស់អានុភាពអំណាចក្នុងខ្លួន
