ប្រវត្តិសាស្រ្ត ភូមិសាស្រ្ត ប្រជាសាស្រ្ត នយោបាយ យោធា វប្បធម៍ សេដ្ឋកិច្ច របស់ប្រទេសអ៊ីស្រាអែល ការឈឺចាប់របស់ប្រជាជនអុីស្រាអែល៖ប្រជាជនអ៉ីស្រាអែលបន្តចិញ្ចឹមចិត្តឈឺចាប់ ចំពោះការបាត់បង់ទឹកដីរាប់សិបជំនាន់។ ទោះបីជាគ្មានរដ្ឋ ប៉ុន្តែរដ្ឋរបស់ពួកគេស្ថិតក្នុងបេះដូងជានិច្ច និងបន្តរាប់សិបជំនាន់។ ប្រជាជាតិមួយនេះ ត្រូវបែកខ្ចាត់ខ្ចាយរាប់ពាន់ឆ្នាំ ភាគច្រើនត្រូវបង្ខំចិត្តចាកចេញពីទឹកដីរបស់ខ្លួន គេចចេញពីការធ្វើទុក្ខបុកម្នេញ។ ពួកគេចាកចេញទាំងការឈឺចាប់ ចិញ្ចឹមការឈឺចាប់ តកូនតចៅរហូតដល់ពេលវេលាមួយសមស្រប ដើម្បីបង្កើតទឹកដីខ្លួនឡើងវិញ។ ពួកគេបង្រៀនកូនៗរបស់ពួកគេឱ្យឈឺចាប់ ចេះគិតគូរពីមាតុភូមិ និងបណ្តុះសមត្ថភាពឱ្យបានខ្លាំង។
ពួកគេបង្កើតជាសហគមន៍ជនជាតិជីហ្វនៅក្រៅប្រទេសជុំវិញពិភពលោក រួចក៏នាំគ្នាចូលមកកាន់ទឹកដីកំណើតវិញ។ ពួកគេតស៊ូគ្រប់បែបយ៉ាង រហូតបង្កើតជារដ្ឋផ្ទាល់ខ្លួន ហើយប្រកាសឯករាជ្យ។ ជាបន្តបន្ទាប់ ពួកគេចាប់ផ្តើមប្រឆាំងតទល់នឹងសត្រូវ ជាប្រទេសជុំវិញប្រទេសតូចរបស់ខ្លួន។ ទប់ទល់ផង ប្រយុទ្ធផង ពង្រីងទឹកដីបន្ថែមផង និងប្រឹងប្រែងអភិវឌ្ឍប្រទេសផង។ ចេញពីការឈឺចាប់ បានធ្វើឱ្យអ៉ីស្រាអែលក្លាយជាប្រទេសខ្លាំងបំផុតមួយ។ ប្រទេសដែលមានអ្នកប្រាជ្ញច្រើនបំផុត ប្រទេសដែលប្រជាជនមានចំណេះដឹងជ្រៅជ្រះ ប្រទេសដែលមានកងទ័ពខ្លាំងក្លា មានអាវុធនុយក្លែរអ៊ែរ។ បន្ថែមពីលើនេះ អ៉ីស្រាអែលដែលគ្មានអំណោយផលសោះពីធម្មជាតិ តែក្លាយជាប្រទេសខ្លាំងក្លាខាងកសិកម្ម៕
