ពិភពលោកយើង បានចាប់កកើតឡើងជាយូរលង់ណាស់មកហើយ ព្រមទាំងមានប្រជាជនគ្រប់ជាតិ
សាសន៍ ពណ៌សម្បុរ ដែលបានប្រមូលផ្តុំនូវរឿងរ៉ាវជាច្រើនស្ទើររាប់មិនអស់។
ប្រជាជននៃជាតិសាសន៍នីមួយៗសុទ្ធតែមានប្រវត្តិសាស្រ្តរៀងៗខ្លួន ដែលប្រវតិ្តទាំងនេះបានកត់ត្រាទុក
លើសិលាចារិក និងតាមរយៈការពោលតៗគ្នាពីមាត់មួយទៅមាត់មួយ។ មិនត្រឹមតែប៉ុណ្ណោះនៅមានតឹកតាង
ផ្សេងៗដែលបានបន្សល់ទុកនៅដូចជា បុរាណស្ថាន ប្រពៃណីទំនៀមទម្លាប់ ស្ថាប្យកម្មដ៏មានតម្លៃរាប់សតវត្ស
ដែលកើតឡើងដោយស្នាដៃបុព្វបុរសជំនាន់មុន និងពីធម្មជាតិជាដើម។
សំណង់ស្ថាបត្យកម្ម និងទីបុរាណស្ថានផ្សេងៗ សុទ្ធតែបានឆ្លុះបញ្ចាំងពីប្រវតិ្តសាស្រ្តដ៏អស្ចារ្យគួរជាទីចាប់
អារម្មណ៍ សម្រាប់ក្មេងៗជំនាន់ក្រោយធ្វើការស្រាវជ្រាវរៀនសូត្រ និងបានស្គាល់ពីតម្លៃសមទ្ធិផលដែលបុព្វបុរស
យើងបានបន្សល់ទុក ហើយរួមគ្នាថែរក្សាសម្បតិ្តទាំងនេះឲ្យបានគង់វង្ស។
សៀវភៅ ៥០ អច្ឆរិយវត្ថុសំខាន់ៗលើលោក ដែលក្រុមបោះពុម្ពផ្សាយម៉ាញប៊ុក្ស បានចងក្រងដោយ
សង្ខេបមួយក្បាលនេះ មិនត្រឹមតែបានជួយប្រិយមិត្តបានស្គាល់ពីទីកន្លែងប្រវត្តិសាស្រ្តសំខាន់ៗនៅលើលោក
យើងប៉ុណ្ណោះទេ សៀវភៅនេះក៏បានផ្តល់ប្រយោជន៍យ៉ាងច្រើនដល់ប្អូនៗសិស្សានុសិស្សអាចយកធ្វើជាឯកសារ
សិក្សាស្រាវជ្រាវបន្ថែមផ្នែកប្រវត្តិសាស្រ្តផងដែរ។
