សៀវភៅ “យល់ឧបាយ ឆ្ងាយអន្ទាក់” ពុំមែននិយាយអំពីវិធីការប្រើមនុស្សនោះទេ ប៉ុន្តែផ្តោតសំដៅទៅលើ ការចេះស្គាល់មនុស្ស និងការចេះទប់ទល់ជាមួយនឹងឧបាយកលរបស់មនុស្ស ដែលយើងតែងជួបប្រទះក្នុងជីវិត និងការងារប្រចាំថៃ្ង ព្រមទាំងជា ចំណេះដឹងជាមូលដ្ឋាន ក្នុងការឲ្យលោកអ្នកយល់ដឹងអំពីការប្រើមនុស្ស ដែលជាកត្តានាំទៅរកជោគជ័យក្នុងជីវិត។
ហេតុនេះ អាវុធខាងបញ្ញាដែលមាននៅក្នុងសៀវភៅនេះអាចប្រៀបប្រដូចទៅនឹងដាវមួយដើម តែពុំមែនជាដាវសម្រាប់យកទៅកាប់សម្លាប់អ្នកដទៃនោះទេ តែគឺជាដាវសម្រាប់ហ្វឹកហាត់វិជ្ជាគុនដើម្បីការពារខ្លួន និងទប់ទល់ជាមួយនឹងអំពើសាហាវឃោរឃៅរបស់អ្នកដទៃ ដើម្បីឲ្យលោកអ្នកបានធ្វើដំណើរទៅមុខ ដោយសុខស្រួលជាមួយមនុស្សផ្សេងៗ ដោយការជឿជាក់និងប្រកបដោយសុវត្ថិភាព ឬបើពោលឲ្យងាយស្តាប់ គឺដើម្បីកុំឲ្យក្លាយខ្លួនទៅជាអ្នក រងគ្រោះ ទទួលថ្មបាក់ សាច់ផាកឡូវ ក្តៅក្រហាយ ដោយសារតែល្បិចកលរបស់មនុស្សនេះឯង។
