តម្រាចិត្តសាស្រ្ត

សៀវភៅ តម្រាចិត្តសាស្រ្ត នឹងធ្វើឱ្យអ្នកអានយល់អំពីចិត្តរបស់ខ្លួនឯងកាន់តែច្បាស់ ហើយជួយបង្ហាញបងប្អូនអ្នកអានគ្រប់រូបឱ្យស្វែងយល់ ចេះសង្កេតអំពីចិត្តរបស់ខ្លួនឯង និងមនុស្សជុំវិញខ្លួនឱ្យកាន់តែច្បាស់ជាងមុន។
សៀវភៅ តម្រាចិត្តសាស្រ្តនេះ មានរៀបរាប់អំពីចំណុចសំខាន់នៃចិត្តមនុស្សរហូតដល់ទៅ៣២ចំណុច និងបន្ថែមនូវយុទ្ធសាស្រ្តចំនួន១៥ ក្នុងការមើលចិត្តមនុស្សថែមទៀតផង។
យើងសូមដកស្រង់នូវទស្សនៈដ៏មានអត្ថន័យដកស្រង់ចេញពីសៀវភៅខាងលើនេះមកចែកជូនប្រិយមិត្តអ្នកអានដូចតទៅ៖
១- កំហុសរបស់មនុស្សយើងគឺចូលចិត្តមើលតួល្ខោន តែមិនចូលចិត្តមើលអ្នកលេងល្ខោន
២- សម្បុររបស់ត្រីតែងតែប្រែប្រួលទៅតាមប្រភេទទឹកដែលវា អាស្រ័យនៅ
៣ -បើអ្នកប្រើជីវិត ២៤ ម៉ោងរបស់អ្នកដើម្បីសប្បាយ ចូរអ្នកត្រៀម ២៤ ម៉ោងដូចគ្នាក្នុងការប្រឈមនឹងបញ្ហា
៤-យើងមិនមែនជាតួឯកនៅលើភពផែនដីនេះទេ យើងគ្រាន់តែជាផ្នែកតូចមួយនៅលម្អភពផែនដីនេះតែប៉ុណ្ណោះ
៥ -ការត្អូញត្អែរពីបញ្ហារបស់ខ្លួនប្រាប់អ្នកដទៃ ដំបូងឡើយគេអាណិត លុះយូរទៅគេនឹងធុញទ្រាន់
៦ -ការជួយយកអាសាអ្នកដទៃ អ្នកជិតខាង គឺជាយ័នការពារពីសត្រូវគ្រប់ទិសទី