មានតែរឿងមួយប៉ុណ្ណោះដែលរារាំងភាពជោគជ័យរបស់អ្នក រឿងនោះមិនមែនជាបទពិសោធន៍ និងមិនមែនសមត្ថភាព ឬទេពកោសល្យនោះទេ។
លោក ចន ស៊ី. មេកស៍វេល អ្នកជំនាញផ្នែកដឹកនាំដ៏ល្បីឈ្មោះលំដាប់ពិភពលោកនិយាយថា ប្រសិនបើចង់ជោគជ័យ អ្នកត្រូវរៀនវិធីបង្កើតទំនាក់ទំនងទៅកាន់អ្នកដទៃ ឬ «Connect With People»។ ពិតណាស់ មនុស្សខ្លះមានសមត្ថភាពផ្នែកនេះពីកំណើត តែតាមពិតទៅ អ្នកណាក៏ដោយ ក៏អាចរៀនវិធីធ្វើឲ្យការទំនាក់ទំនងជាមួយនឹងអ្នកដទៃក្លាយជាឱកាសដ៏អស្ចារ្យបានដែរ។ សៀវភៅ «Everyone Communicates, Few Connect» ដែលប្រែមកភាសាខ្មែរថា «ភាពជោគជ័យនៃការបង្កើតបណ្ដាញទំនាក់ទំនង» នេះ លោក ចន ស៊ី. មេកស៍វេល បានលើកយកគោលការណ៍ ៥ ចំណុច និងវិធីអនុវត្ត ៥ ចំណុចក្នុងការដុសខាត់ជំនាញសំខាន់ៗផ្នែកទំនាក់ទំនង ដូចជា ៖
- រកគោលជំហររួមរបស់ភាគីម្ខាងទៀត
- ធ្វើឲ្យការបង្កើតទំនាក់ទំនងក្លាយជារឿងងាយ
- បង្កើតកម្លាំងជំរុញចិត្តដល់អ្នកដទៃ
- ស្មោះត្រង់ចំពោះខ្លួនឯង និងអ្នកដទៃ
សមត្ថភាពបង្កើតទំនាក់ទំនងនេះហើយ ដែលជាកត្តាដ៏សំខាន់មួយដែលកំណត់ថា អ្នកនឹងឈានទៅដល់សក្តានុពលខ្ពស់បំផុតរបស់ខ្លួនឯងបានឬអត់។ នេះមិនមែនជាអាថ៌កំបាំងទេ ការបង្កើតទំនាក់ទំនង គឺជាជំនាញដែលអ្នកអាចរៀនបាន និងអាចយកទៅប្រើទាំងក្នុងទំនាក់ទំនងផ្ទាល់ខ្លួន ការងារ និងទាំងទំនាក់ទំនងក្នុងគ្រួសារ ហើយអ្នកអាចចាប់ផ្ដើមរឿងនេះបានតាំងពីថ្ងៃនេះ។
