ទំនាក់ទំនងគឺជាបេះដូងសំខាន់របស់អ្វីៗគ្រប់យ៉ាងដែលទាក់ទងនឹងធុរកិច្ច ហើយទំនាក់ទំនងមិនល្អក៏ជាបញ្ហាដ៏ធំធេងសម្រាប់ធុរកិច្ចនិងអ្នកធ្វើការគ្រប់គ្នាដែរ ដែលធ្វើឱ្យបាត់បង់កម្លាំងចិត្ត ធ្វើការគ្មានប្រសិទ្ធភាព និងបុគ្គលិកលាឈប់ពីការងារកាន់តែច្រើនឡើង។ ទំនាក់ទំនងដែលកើតឡើងដោយមិនបានតាំងចិត្ត វានឹងធ្វើឱ្យសេចក្ដីដែលបាននិយាយចេញទៅខុសដែរ។ បើអ្នកចង់ទទួលបានជោគជ័យនៅក្នុងធុរកិច្ចនោះ អ្នកគួរតែរៀនទំនាក់ទំនងឱ្យបានល្អ។
អ្នកនិពន្ធគឺជាអ្នកដែលធ្វើធុរកិច្ចជាមួយបរទេសរហូតមក ហើយបានឃើញថា ទំនាក់ទំនងមានទាំងចំណែកជួយនិងបំផ្លាញសម្ពន្ធភាពនៅក្នុងអង្គភាព ដែលមានផលចំពោះក្រុមការងារនិងគោលដៅរួមរបស់ធុរកិច្ចដូចម្ដេចខ្លះ ដូច្នេះទំនាក់ទំនងដែលមិនល្អរមែងធ្វើឱ្យមានការតប់ប្រមល់និងជាឧបសគ្គដល់បុគ្គលិកនៅក្នុងអង្គភាព។
ពាក្យសម្ដីសំខាន់ខ្លាំងណាស់ ហើយយើងអាចរកចំណូលបានច្រើនក៏ដោយសារតែជំនាញក្នុងការប្រើភាសា ហើយក៏អាចនឹងបាត់បង់ការងារបានដែរបើយើងគ្មានទំនាក់ទំនងដ៏ល្អទេនោះ។ ទំនាក់ទំនងដែលខុស ភាគច្រើនកើតឡើងពីការនិយាយចេញទៅដោយមិនបានគិតឱ្យបានល្អិតល្អន់ ឬពេលខ្លះតាំងចិត្តថានឹងនិយាយផ្សេង ប៉ុន្តែពេលដែលនិយាយចេញទៅបែរជាមានន័យផ្ទុយទៅវិញ។
