ក្នុងព្រះពុទ្ធសាសនា ព្រះពុទ្ធមិនបានបង្រៀនឲ្យជឿលើអបិយជំនឿឡើយ តែជាទូទៅឃើញថា មនុស្សសូម្បីតែអះអាងថា ខ្លួនជាអ្នកកាន់ព្រះពុទ្ធសាសនាហើយ ក៏នៅតែជឿលើវាដដែល តើនោះដោយសារហេតុអ្វី? ដោយខ្លី ព្រោះថា ពិតជាមានមនុស្សជោគជ័យដោយសារជឿលើក្បួនហុងស៊ុយនេះមែន ហើយក៏មានមិនតិចដែរ។ តាមពិត បើនិយាយ តាមពុទ្ធវិធីរបស់ព្រះពុទ្ធជាម្ចាស់ វាជាកត្តាលិកររបស់ចិត្តដែលជំរុញឲ្យជោគជ័យតាមរយៈជំនឿលើក្បួនហុងស៊ុយនោះ ព្រោះក្នុងព្រះពុទ្ធសាសនាបានបង្រៀនថាជំនឿជាឫសគល់នៃអ្វីៗទាំងអស់។
ដូច្នេះ តាមពុទ្ធវិធីនៃព្រះ បើទោះជាយើងមិនជឿលើក្បួនហុងស៊ុយ ក៏ដោយចុះ សូមឲ្យតែយើងមានចិត្តប្រកបដោយសទ្ធាយ៉ាងមុះមុតថា«យើងអាចជោគជ័យ យើងនឹងជោគជ័យបាន» ឬជឿថា «យើងមានសិរីសួស្ដី យើងនឹងមានសិរីសួស្ដី» វាអាស្រ័យលើចិត្តជាអ្នកកំណត់ទាំងស្រុង។
