វិធីនិយាយជាមួយកូនវ័យជំទង់
ជឿទេថាការញញឹមជាឳសថដ៏ស័ក្កសិទ្ធ ជាវត្ថុពិសេសសម្រាប់អស់លោកអ្នកក្នុងការរស់នៅប្រចាំថ្ងៃ ជាវិធីសាស្រ្តដោះស្រាយបញ្ហាយ៉ាងមានប្រសិទ្ធភាពអស់ស្ចារ្យ ជាពិសេសបញ្ហារវៀងឳពុកម្តាយជាមួយកូនៗដែលមានវ័យជំទង់។
ដូចឧទាហណ៍មួយបានលើកឡើងថា៖ ក្មេងវ័យ១៤ឆ្នាំម្នាក់និយាយថា មនុស្សចាស់ចូលចិត្តនិយាយច្រើនណាស់ គេមិនចូលចិត្តទេ ពិតជាគួរឲ្យធុញទ្រាន់ណាស់ ហើយពួកគាត់ចូលចិត្តជ្រួញចិញ្ចើមទៀត វាហាក់ដូចធ្ងន់ធ្ងរខ្លាំងណាស់អុីចឹង ពួកគាត់គួរតែធ្វើខ្លួនឲ្យសប្បាយៗមិនគួរគិតតែពីខឹងនេះខឹងនោះគ្រប់ពេលនោះទេ។
ពាក្យសម្តីមួយម៉ាត់នេះពិតជាមានន័យជ្រាលជ្រៅណាស់។ លោកអ្នកសាកល្បងគិតមើលថា តើលោកអ្នកធ្លាប់ញញឹមរាក់ទាក់ដាក់កូនៗរបស់លោកអ្នកនៅពេលណាខ្លះ? តើមានរឿងច្រើនកើតឡើងរាប់មិនអស់មែនទេទើបធ្វើឲ្យឳពុកម្តាយតែងតែជ្រួញចិញ្ចើមអុីចឹង? ការរស់នៅជាមួយកូនវ័យជំទង់ គឺជារឿងមួយដែលស្ទើតែទ្រាំលែងបានក៏មាន តែឳពុកម្តាយត្រូវតែដាស់តឿនខ្លួនឯងជានិច្ចថា កាន់តែជួបបញ្ហា លោកអ្នកកាន់តែញញឹមទទួលយកវា។
