អត្ថបទស្រាវជ្រាវ សម្ដេច ជួន ណាត ដែលរៀបរាប់អំពីដំណើរជីវិតរបស់ព្រះអង្គក្នុងបុព្វហេតុអក្សរសាស្រ្តជាតិ។ សៀវភៅនេះត្រូវបានស្រាវជ្រាវនិងរៀបរៀងដោយ ភិក្ខុ វ៉ាន់ ចាន់ធឿន និស្សិតកំពុងសិក្សាថ្នាក់បរិញ្ញាបត្រអក្សរសាស្រ្តខ្មែរ នៅសាកលវិទ្យាល័យភូមិន្ទភ្នំពេញ (RUPP)។
សៀវភៅនេះមានកម្រាស់ជាង៤០០ទំព័រ ជាសៀវភៅដែលមានកម្រាស់ក្រាស់បំផុតរបស់ហាតប៊ុក ដោយបានបែងចែកជា១២ចំពូកធំៗ ដែលភាគច្រើននិយាយអំពីដំណើរជីវិតនិងស្នាព្រះហស្តរបស់សម្តេចព្រះសង្ឃរាជ ជួន ណាត ដែលបានចំណាយព្រះជន្មដើម្បីអក្សរសាស្រ្តខ្មែរ។ ស្នាព្រះហស្តសំខាន់ៗពីររបស់ព្រះអង្គដែលយើងធ្លាប់បានដឹងគឺ វចនានុក្រមខ្មែរ (២ភាគ) និងបទភ្លេងជាតិ «បទនគររាជ»។ ក្រៅពីនេះ ព្រះអង្គនៅមានស្នាព្រះហស្តជាច្រើនទៀត។
ចំពូកសំខាន់ៗ៖
១- បុព្វប្រវត្តិ
២- ព្រះរាជជីវប្រវត្តិ
៣- ព្រះរាជសកម្មភាព
៤- សញ្ញាបត្របណ្ឌិតអក្សរសាស្រ្តខ្មែរ
៥- ប្រវត្តិសង្គាយនា
៦- ប្រវត្តិក្រុមជំនុំប្រែព្រះត្រៃបិដកខ្មែរ
៧- ប្រវត្តិនៃការបង្កេីតវចនានុក្រមខ្មែរ
៨- ប្រវត្តិពុទ្ធិកសិក្សាជាតិ
៩- ប្រវត្តិអង្គការខេមរយានកម្ម
១០- ភ្លេងជាតិខ្មែរ “បទនគររាជ”
១១- ព្រះជន្មចុងក្រោយ
១២- ព្រះឱវាទនិងពាក្យកាព្យអប់រំ
