ស្ដេចនំដូណាត់

ដំណើររឿងរ៉ាវពីខ្សែជីវិតពិតរបស់លោកស់​លោក​ “​តឹក​ ​ង៉ូយ”​ ​មាន​ភាព​រស់រវើក​ ​និង​ផ្ដោត​សំខាន់​លើ​បទ​ពិសោធ​ជីវិត​ពិត​ដែល​មាន​អត្ថន័យ​ជ្រាលជ្រៅ​ទាក់ទិន​នឹង​ទស្សនវិស័យ​ដ៏​សម្បូរ​បែប​ ​រួម​ជាមួយនឹង​ការ​រៀន​ពី​ការ​ចាប់​យក​ឱកាស​ដែល​កើតមានឡើង​ជាហូរហែ​ក្នុង​ជីវិត​របស់​លោក​។​
​
​លោក​ ​តឹក​ ​ង៉ូយ​ ​បាន​ចាប់ផ្ដើម​ជីវិត​ពី​ជនភៀសខ្លួន​ដ៏​ក្រីក្រ​ម្នាក់​ ​ហើយ​ក្រោយមក​លោក​ក៏បាន​ក្លាយជា​អ្នកមាន​ទ្រព្យសម្បត្តិ​ដ៏​ស្ដុកស្ដម្ភ​ម្នាក់​នៅ​សហរដ្ឋ​អាម៉េរិក​។​ ​លោក​បាន​អំពាវនាវ​ដល់​ជនភៀសខ្លួន​ខ្មែរ​រាប់​រយ​រាប់ពាន់​នាក់​ដែល​រស់នៅ​សហរដ្ឋ​អាម៉េរិក​ឱ្យមក​ប្រកបរបរ​លក់នំ​ដូណាត់​ ​រ​រហូត​បាន​ក្លាយជា​អ្នកមាន​លុយរាប់​លាន​ដុល្លារ​ដូច​រូបលោក​ដែរ​។​ ​ដោយហេតុ​លោក​មានគំនិត​មិន​ចង្អៀតចង្អល់​ ​និង​សេចក្ដី​ស្រឡាញ់​ក្នុង​ការ​ជួយ​ដល់​សហគមន៍​ខ្មែរ​ ​ដែល​នេះ​គឺជា​ការចូលរួម​វិភាគទាន​ដ៏​ខ្លាំងក្លា​លើ​ផ្នែក​សេដ្ឋកិច្ច​សង្គម​នៅ​សហរដ្ឋ​អាម៉េរិក​ ​ដូច្នេះហើយ​ទើប​រូបលោក​បាន​ទទួល​ពានរង្វាន់​ ​និង​ប័ណ្ណសរសើរ​ដោយ​ផ្ទាល់​ពី​ប្រធានាធិបតី​ ​G.H.Bush​ ​នៅ​ឆ្នាំ១៩៩១​ ​ហើយក៏​ត្រូវ​បាន​គេ​ប្រសិទ្ធនាម​ថា​ជា​ ​“​ស្ដេច​នំ​ដូណាត់​”​ ​ប្រចាំ​សហរដ្ឋ​អាម៉េរិក​ចាប់ពី​ពេល​នោះមក។ ​
​
​ជា​លទ្ធផល​ចេញពី​ស្នាដៃ​ ​និង​ការ​ខិតខំ​របស់​លោក​ ​សព្វថ្ងៃ​នេះ​នៅ​រដ្ឋ​កា​លី​ហ្វ​ញ៉ា​(​California​)​ ​មាន​ហាង​នំ​ដូណាត់​ជាង ៥០០០ហាង​ ​ដែល​ក្នុង​នោះ​ហាង​ដែល​ត្រូវ​បាន​កាន់កាប់​ដោយ​ជនជាតិ​ខ្មែរ​អាម៉េរិក​កាំង​ ​មាន​រហូតដល់ ៩០​%​ ​ ដែល​ចំនួន​នេះ​គឺ​ស្មើនឹង ៤៥០០ហាង​ ​ហើយ​បើ​បូករួម​ទាំង​រដ្ឋ​ផ្សេង​ៗ​ទៀត​នោះ​ ​ហាង​ដែល​ជនជាតិ​ខ្មែរ​កាន់កាប់​មាន​ចំនួន​រាប់ពាន់​ ​រាប់​ម៉ឺន​ហាង​ឯណោះ​។​ ​នេះ​ពិតជា​មោទកភាព​ដ៏​អស្ចារ្យ​ ​ហើយក៏​ជា​ព្រឹត្តិ​ការណ៍​មួយ​ដែល​មិនធ្លាប់​មាន​ពីមុន​មក​ក្នុង​ប្រវត្តិ​សាស្រ្ត​សហរដ្ឋ​អាម៉េរិក​ដែល​មាន​ប្រជាជន​រហូតដល់​ទៅ៣៥០លាន​នាក់​ ​ប៉ុន្តែ​ងារ​ជា​ ​ស្ដេច​នំ​ដូណាត់​ដែល​សហរដ្ឋ​អាម៉េរិក​ទទួលស្គាល់​ គឺ​មានតែ​លោក​ ​តឹក​ ​ង៉ូយ​ ​តែម្នាក់​ប៉ុណ្ណោះ​៕