អនាគតភាព នៃអ្វីៗទាំងអស់

ដើម្បីឆ្លើយតបនឹងការឈានចូលបដិវត្តន៍ឧស្សាហកម្មលើកទី៤ជាបណ្តើរៗ សៀវភៅដ៏ល្បីល្បាញមួយក្បាលនេះនឹងចេញផ្សាយនៅយ៉ាងយូរបំផុតក្នុងខែមេសា ឆ្នាំ២០២០ ដែលមានចំណងជើងថា “អនាគតភាពនៃអ្វីៗទាំងអស់ – ក្នុងរយៈពេល១០០ឆ្នាំខាងមុខទៀត តើពិភពលោកនឹងប្រែប្រួលយ៉ាងណា?” ដែលជាស្នាដៃនិពន្ធសិក្សាស្រាវជ្រាវដោយលោក Patrick Dixon ដែលជាទីប្រឹក្សាជាន់ខ្ពស់ដ៏ល្បីល្បាញរបស់ក្រុមហ៊ុនខ្នាតយក្សជាច្រើននៅលើពិភពលោក។ លោកត្រូវបានគេចាត់ចំណាត់ថ្នាក់ជាមនុស្សដែលមានឥទ្ធិពលបំផុតម្នាក់ក្នុងចំណោមអ្នកល្បី២០នាក់ផ្សេងទៀតក្នុងវិស័យជំនួញលើលោក ហើយលោកជាម្ចាស់ស្នាដៃសៀវភៅដ៏ល្បី១៥ក្បាលផ្សេងទៀតផងដែរ។ អានសៀវភៅនេះហើយ លោកអ្នកនឹងបានយល់ដឹងរឿងរ៉ាវជាច្រើនដែលអាចនឹងកើតឡើងនៅពេលអនាគត និងការត្រៀមខ្លួនបត់បែនដើម្បីអាចទទួលបានគុណប្រយោជន៍ជាអតិបរមា ទៅតាមការសម្លឹងមើលទៅអនាគតរបស់អ្នកនិពន្ធដែលមានបទពិសោធន៍រាប់ទសវត្សរ៍ និងធ្លាប់ធ្វើការងារនៅគ្រប់វិស័យការងារ ទាំងរដ្ឋ, ឯកជន, វិស័យអប់រំ, សេដ្ឋកិច្ច, វិទ្យាសាស្ត្រ និងនយោបាយជាដើម។ល។ ជាសៀវភៅដ៏ល្អបំផុតមួយដែលមិនអាចរំលងបានសម្រាប់ អ្នកនយោបាយ, អ្នកអភិវឌ្ឍសង្គម-សេដ្ឋកិច្ច, អ្នកវិទ្យាសាស្ត្រ, អ្នកអប់រំ, អ្នកជំនួញតូចធំ សិស្ស-និស្សិត និងសាធារណជនទូទៅ។ វាមិនមែនជាការស្រមើស្រមៃដោយគ្មានមូលដ្ឋាន តែមានលក្ខណៈជាការសំយោគប្រកបដោយលក្ខណៈវិទ្យាសាស្ត្រ និងអាចទុកចិត្តបាន។