មនុស្សគ្រប់គ្នាតែងលើកឡើងអំពីសេរីភាព។ នៅជុំវិញពិភពលោក ក្រុមមនុស្សផ្សេងគ្នា ក្រុមពូជសាសន៍ផ្សេងគ្នា ក្រុមប្រទេសផ្សេងៗ កំពុងច្បាំងដណ្តើមសេរីភាព។ ប៉ុន្តែចុះតើសេរីភាពជាអ្វីទៅ? នៅសហរដ្ឋអាមេរិក យើងនិយាយអំពីការរស់នៅក្នុងប្រទេសដែលមានសេរីភាព។ ចុះតើយើងមានសេរីភាពពិតប្រាកដដែរឬទេ? តើយើងមានសេរីភាពនឹងក្លាយទៅជាខ្លួន នៃខ្លួនយើងយ៉ាងពិតប្រាកដដែរឬទេ? ចម្លើយវិញគឺអត់ទេ យើងមិនមែនមានសេរីភាពឡើយ។ សេរីភាពដ៏ពិតប្រាកដត្រូវរៀបចំចេញពីចិត្តវិញ្ញាណរបស់មនុស្ស វាជាសេរីភាពក្នុងការក្លាយទៅជាខ្លួន នៃខ្លួនយើងយ៉ាងពិតប្រាកដ។
តើនរណាមករារាំងយើង មិនឱ្យមានសេរីភាពនោះទៅ? យើងស្តីបន្ទោសរដ្ឋាភិបាល យើងស្តីបន្ទោសអាកាសធាតុ យើងស្តីបន្ទោសម្តាយឪពុករបស់យើង យើងស្តីបន្ទោសសាសនា យើងស្តីបន្ទោសព្រះជាម្ចាស់។ តាមពិត តើនរណាមករារាំងយើងមិនឱ្យមានសេរីភាពនោះឬ? យើងជាអ្នករារាំងខ្លួនឯងទេតើ។ តើការមានសេរីភាពយ៉ាងពិតប្រាកដនោះមានន័យដូចម្តេច? ជួនកាលយើងរៀបការហើយ យើងនិយាយថាយើងបាត់បង់សេរីភាពផ្ទាល់ខ្លួនរបស់យើង បន្ទាប់មក យើងក៏លែងលះ
