កុសិនីជាមនុស្សគ និងតែងតែពាក់ម៉ាសជាប់រហូត ប៉ុន្តែទូទាំងវិទ្យាល័យគ្មាននរណាដឹងថា កុសិនីអាចនិយាយបានឡើយ។
កាលពីអាយុ៧ឆ្នាំ នាងបានទទួលអំណោយមាត់ទិព្វពីនារីអាថ៌កំបាំងម្នាក់។ ទីបំផុត អំណោយនោះបានធ្វើឲ្យជីដូនរបស់នាងបាត់បង់ជីវិត ឯម្ដាយរបស់នាងបានក្លាយទៅជាថ្ម។ នរណាៗក៏ខ្លាចរអានឹងកុសិនីដែរ ដូច្នេះទើបតាំងពីពេលនោះមក គ្មាននរណាបានឮសំឡេងកុសិនី ឬដឹងថានាងមានមុខមាត់បែបណាឡើយ។
លើកលែងតែបុរសសង្ហាសិស្សរួមវិទ្យល័យម្នាក់ បានដឹងពីអាថ៌កំបាំងរបស់នាងដោយចៃដន្យ ទើបគេព្យាយាមរិះរកគ្រប់វិធី ដើម្បីធ្វើឲ្យកុសិនីបញ្ចេញសំឡេងនិងឲ្យគ្រប់គ្នាដឹងថាកុសិនីមិនមែនជាមនុស្សគ។
និពន្ធដោយ ម៉ូលីនណា និង រ៉េត សុដាវណ្ណ
