“ប្រទេសជាតិរុងរឿង នៅពេលប្រជាជនសម្បូរទ្រព្យសម្បត្តិ”
សៀវភៅមួយនេះអាចជួយឲ្យអ្នកជោគជ័យ។ ជោគជ័យមានន័យថាការសម្រេចបានអ្វីមួយដែលកើតចេញពីការប្រឹងប្រែងនិងសមត្ថភាពផ្ទាល់ខ្លួនដូច្នេះដើម្បីជោគជ័យយើងត្រូវតៀមសមត្ថភាពរបស់ខ្លូនទុកជាមុន។ សកម្មភាពរបស់យើងគឺដុះចេញពីគំនិតចំណែកឯគំនិតវិញគឺកើតចេញពីការយល់ដឹងហើយសៀវភៅមួយនេះនឹងធ្វើឲ្យអ្នកយល់ដឹងនូវចំណេះដឹងបីយ៉ាងសំខាន់ៗជុំវិញបញ្ហាលុយកាក់ទី 1 របៀបបង្កើតលុយ ទី២របៀបសន្សំលុយ ទី៣ របៀបប្រើលុយបង្កើតលុយ។
ចំពោះលោកអ្នកដែលអានសៀវភៅនេះជាលើកដំបូងអ្នកនិពន្ធសម្ដែងសេចក្តីសម្រេចរីករាយទុកជាមុនថា មេរៀននៅក្នុងទំព័រជាបន្តបន្ទាប់ទៀតអាចជួយលោកអ្នកអោយទទួលជោគជ័យខាងផ្នែកហិរញ្ញវត្ថុកាន់តែប្រសើរឡើងជាងមុនហើយអ្នកនិពន្ធក៏សូមឆ្លៀតឱកាសនេះដើម្បីបង្ហាញសេចក្តីដឹងគុណដ៏ជ្រាលជ្រៅចំពោះបណ្ដានាយកក្រុមហ៊ុននានាដែលបានអាននិងចែកចាយសារសម្ងាត់នេះទៅកាន៉មិត្តភក្កិបងប្អូនបុគ្គលិកនិងមិត្តរួមការងារ។ គ្មានមនុស្សណាប្រសើរជាងបុគ្គលអនុវត្តនិយមនោះទេគឺបុគ្គលចូលចិត្តចែករំលែកបច្ចេកទេសទៅដល់អ្នកដទៃ ក្រោយពីបានអនុវត្តដោយជោគជ័យនូវគោលការណ៍ទាំងឡាយដែលខ្លួនបានរៀនពីសៀវភៅមួយនេះ
នៅក្នុងទំព័របន្ទាប់ជើងនឹងនាំលោកអ្នកទៅកាន់ទីក្រុងបុរាណមួយឈ្មោះថាបាប៊ីឡូនជាទីក្រុងកំណើតនៃចំណេះវិជ្ជាខាងវត្ថុដែលបច្ចុប្បន្នត្រូវបានគេប្រើប្រាស់ទូទាំងពិភពលោក។ បាប៊ីឡូនគឺជាទីក្រុងដ៏រុងរឿងបំផុតនៅក្នុងសម័យបុរាណព្រោះប្រជាជននៃទីក្រុងនេះគឺជាអ្នកពូកែខាងធ្វើជំនួញពួកគេមានទ្រព្យសម្បត្តិស្តុកស្តម្ភដោយសារពួកគេអោយតំលៃខ្ពស់ទៅលើលុយនិងទ្រព្យសម្បត្តិរបស់គេមានបច្ចេកទេសក្នុងការគ្រប់គ្រងនិងប្រើប្រាស់ទ្រព្យសម្បត្តិយ៉ាងមានប្រសិទ្ធិភាពបំផុតដូច្នេះហើយទើបពួកគេមានអ្វីៗដែលខ្លួនចង់បាន។
