ក្មេងវត្តសម័យបារំាង

កំលោះស្ដូកទៅហើយ អាឆៃមិនទាន់ចេះអក្សរនឹងគេទេ ព្រោះម៉ែឪវាឲ្យទៅឃ្វាលគោ ដើមថ្នាំដាំពោត។ អាឆៃកើតនៅភូមិកៀនជ្រៃ ស្រុកកំពង់សៀម ខេត្តកំពង់ចាម។ កៀនជ្រៃស្ថិតនៅតាមដងទន្លេមេគង្គ មិនឆ្ងាយប៉ុន្មានពីក្រុងកំពង់ចាមឡើយ។ ឪពុកម្ដាយអាឆៃជាអ្នកចំការ រកស៊ីដាំថ្នាំ ពោត សណ្ដែក-ល-។ គាត់ជាពុទ្ធសាសនិកជនដែលជឿព្រះពុទ្ធឥតមានព្រំដែន។ បើគ្មានលុយធ្វើបុណ្យ គាត់សុខចិត្តលក់ស្រែចំការយកលុយមកធ្វើបុណ្យផ្កា ឬកឋិន។ ចំណែកអាកូនៗ សូមទោស ឯងខ្វះបាយស៊ី ខ្វះមួយលើកសិនទៅព្រោះអញ់ចង់ឡើងឋានសួគ៌។ ឪពុកម្ដាយអាឆៃមានកូនទាំងអស់ ១១ នាក់ អាឆៃជាកូនពៅ។