ការអានជាសិល្បះម៉្យាងដែលបង្រៀនយើងចេះគិត អត់ធ្មត់ ត្រិះរិះពិចារណា ចិត្តធ្ងន់ ចិត្តស្ងប់ មានភាពច្បាស់លាស់ មានវិធីច្រើនសម្រាប់ដំណើរជីវិត ពូកែនិយាយ ពូកែសរសេរ និងបានជាមនុស្សពេញលក្ខណះ។
លោក Jim Rohn បាននិយាយថា «អ្នកមិនមែនខាតដោយសារការចំណាយ ទិញសៀវភៅទេ តែអ្នកនឹងខាតបើអ្នកមិនបានអាន»។
ពាក្យពោលខាងលើមានន័យគ្រប់គ្រាន់ក្នុងការបញ្ជាក់ថា កើតមកជាមនុស្សនឹងមានឪកាសចំណេញយ៉ាងច្រើនពីជីវិតទាំងមូលនេះបើមានទម្លាប់អាននិងវប្បធម៍អាន។ ផ្ទុយទៅវិញបើគ្មានទម្លាប់អាននិងវប្បធម៍អានទេនឹងខាតយ៉ាងច្រើន ដែលមិនត្រឹមតែខាតចំពោះតែសាមីខ្លូនទេ តែនាំឲ្យខាតដល់អ្នកដែលនៅជុំវិញខ្លូនទៀតផង។
