ពាក្យថាសមាហរណកម្មអាចថាជា «ពាក្យថ្មី» ដែលចាប់ផ្តើមនិយមកាន់តែច្រើនឡើងៗក្នុងពិភពលោកដែលទាក់ទងគ្នាយ៉ាងស្មុគស្មាញ ហើយ បច្ចុប្បន្ននេះ តែងតែចូលទៅទាក់ទងនឹងអំពើផ្សេងៗ ដូចជា ទាក់ទងនឹងការរៀបគម្រោងឬកំណត់យុទ្ធសាស្រ្តរឿងណាមួយ ជា…ការរៀបគម្រោងឬយុទ្ធវិធីបែបសមាហរណកម្ម ដែលទាក់ទងទៅនឹងចំណេះដឹងលើរឿងណាមួយ ជា…ចំណេះដឹងបែបសមាហរណកម្ម មានន័យថា មិនថាជាការរៀបគម្រោង ការដោះស្រាយបញ្ហា ឬការយល់ដឹងលើរឿងណាមួយទេ ចាំបាច់ត្រូវពិចារណាបច្ច័យផ្សេងៗដែលទាក់ទងគ្រប់ផ្នែក ដោយមិនអាចកំណត់ក្របខណ្ឌលើរឿងណាបានទេ ព្រោះបច្ច័យនីមួយៗទាក់ទងគ្នាយ៉ាងស្មុគស្មាញ និងផ្តល់ផលប៉ះពាល់ដល់គ្នាទាំងផ្នែកវិជ្ជមាននិងអវិជ្ជមាន។ ការធ្វើសមាហរណកម្មនឹងធ្វើឱ្យបាននូវទស្សនៈនិងវិធីដោះស្រាយរឿងនោះបានយ៉ាងគ្រប់ជ្រុងជ្រោយ កាត់បន្ថយការ កើតនូវបញ្ហាលើផ្នែកដទៃទៀតដែលមាន។
ការគិតបែបសមាហរណកម្ម ជាការគិតមួយដែលយើងចាំបាច់ត្រូវយល់ដឹងនិងអភិវឌ្ឍ ដើម្បីឱ្យស្របទៅនឹងពិភពលោកដែលទាក់ទងគ្នាយ៉ាងស្មុគស្មាញដូចពេលបច្ចុប្បន្ន ហើយជាសៀវភៅមួយក្នុងសៀវភៅឈុត «គំនិតឈ្នះទាំង១០» ដែលខ្ញុំបានណែនាំវិធីក្នុងការគិត ១០ យ៉ាង ដែលជួយអភិវឌ្ឍឱ្យមនុស្សក្នុងសង្គម«ចេះគិត»។ ការគិតបែបសមាហរណកម្មគឺជាការគិតលើមូលដ្ឋានគ្រឹះនៃការយល់ពីសច្ចភាពដែលថារឿងនីមួយៗ នោះមិនបាននៅតែឯកឯង មិនទាក់ទងជាមួយរឿងណាមួយនោះទេ តែជាការទាក់ទងរឿងផ្សេងៗច្រើនដោយហេតុផល។
ការគិតបែបសមាហរណកម្មមួយនេះ សំដៅឱ្យអ្នកអានអាចអភិវឌ្ឍខ្លួនឯងឱ្យក្លាយជា «អ្នកគិតបែបសមាហរណកម្ម» បាន ចាប់ផ្តើមតាំងពីគ្រឹះនៃអត្ថន័យរបស់សមាហរណកម្មនិងការគិតបែបសមាហរណកម្ម «មេរៀនទី ១-៤ » «ការកំណត់ក្របខណ្ឌនៃការគិត» គោលការណ៍នៃការគិតដ៏សំខាន់របស់ការគិតបែបសមាហរណកម្ម «មេរៀនទី ៥ » ការហាត់គិតបែបសមាហរណកម្មនិងការយកទៅប្រើពិតប្រាកដក្នុងស្ថានការណ៍ផ្សេងៗ «មេរៀនទី ៦-៩ » រហូតដល់ការអភិវឌ្ឍជំនាញ និងលក្ខណៈនិស្ស័យនៃភាពជាអ្នកគិតបែបសមាហរ-ណកម្ម «មេរៀនទី១០»។
ការគិតបែបសមាហរណកម្មនឹងជួយពង្រីកក្របខណ្ឌនៃការគិត និងទស្សនៈទាក់ទងនឹងរឿងនោះឱ្យទូលំទូលាយជាងមុន ធ្វើឱ្យយល់ពីរូបភាពបានយ៉ាងច្បាស់ យល់លើរឿងផ្សេងៗបានយ៉ាងគ្រប់ជ្រុងជ្រោយ ដែលនឹងអាចដោះស្រាយបញ្ហាបានត្រូវតាមវត្ថុបំណងនិងបានប្រយោជន៍ខ្ពស់បំផុត។
ទើបការអភិវឌ្ឍសមត្ថភាពក្នុងការគិតបែបសមាហរណកម្ម មានភាពសំខាន់ខ្លាំងណាស់សម្រាប់មនុស្សគ្រប់រូប ដើម្បីអាចរស់នៅបានប្រកបដោយភាពជោគជ័យក្នុងលោកដែលមានភាពស្មុគស្មាញច្រើនឡើងគ្រប់ខណៈ។
