៦ចំណុចដែលអ្នកគួរអានសៀវភៅ “ងាកចេញ”
- ការស្គាល់ខ្លួនឯងបែបស៊ីជម្រៅ
- គន្លឹះនាំខ្លួនឯងចេញពីវិបត្តិ បញ្ហា ការបាក់ទឹកចិត្ត និងសម្ពាធ
- គន្លឹះនៃការរៀបចំខ្លួន
- គន្លឹះក្នុងការអភិវឌ្ឍខ្លួន
- គន្លឹះនៃការរៀបចំជីវិត
- គន្លឹះនៃការផ្លាស់ប្តូរជីវិតពីចំណុចសូន្យ
មេរៀនជីវិតជាច្រើនត្រូវបានបើកកកាយឱ្យមនុស្សគ្រប់គ្នាបានដឹងច្បាស់ពីជីវិតជាកូនអ្នកក្រក្សត់ ជីវិតធ្លាប់ឆ្លងកាត់រឿងរ៉ាវរាប់ភ្លេចនៃភាពឈឺចាប់ ត្រូវគេមើលងាយ ត្រូវគេសើចចំអក ត្រូវទទួលបានភាពបរាជ័យជាច្រើនលើកច្រើនសាររហូតធ្វើឱ្យខ្លួនឯងកើតមានជំងឺបាក់ទឹកចិត្តដោយមិនដឹងខ្លួន។
ពីមនុស្សម្នាក់ដែលធ្លាប់តែឈរនៅលេខរៀងទីសូន្យបានផ្លាស់ប្តូរខ្លួនឯងមកឈរនៅលេខរៀងទី១០០ហេីយរឿងរ៉ាវទាំងនេះបានលាក់ទុកនៅក្នុងសៀវភៅដែលមានចំណងជើងថា៖ ងាកចេញ
ពេលដែលយេីងកើតមកនៅក្នុងគ្រួសារដែលមានជីវភាពក្រក្រីទើបយេីងយល់ថា ជីវិតគួរចាប់ផ្តើមពីណា…
ពេលយេីងធ្លាប់ជាមនុស្សម្នាក់ដែលមានភាពទន់ខ្សោយ ទើបយេីងបានដឹងថា ភាពទន់ខ្សោយវាគឺជារនាំងខ្មៅបាំងភ្នែករបស់យេីង។
ពេលយេីងធ្លាប់តែជាបុគ្គលម្នាក់ដែលមានភាពកំសាក ដោយពេលខ្លះគ្រាន់តែក្រោកឈរសួរសំណួរដែលខ្លួនចង់សួរក៏មិនហ៊ានទើបយេីងដឹងថា ការយកឈ្នះខ្លួនឯងគឺរឿងមួយដែលដាច់ខាតគឺយេីងត្រូវតែមាន។
ពេលដែលយើងធ្លាប់ឆ្លងកាត់រឿងរ៉ាវឈឺចាប់ទើបយើងដឹងថា ភាពឈឺចាប់ កំពុងតែបង្រៀនឱ្យយើងក្លាយទៅជាមនុស្សម្នាក់ផ្សេងទៀត ដែលខុសពីយេីងកាលពីមុន។
