ច្បាប់ចិត្តវិញ្ញាញ​​ 7 ប្រការ ដើម្បីសម្រេចជោគជ័យ

មានសៀវភៅជាច្រើនដែលបានសរសេរណែនាំអំពីគោលការណ៏សម្រេចជោគជ័យ ទាំងផ្នែកទ្រព្យសម្បត្តិ ក្តីស្នេហា សម្ពន្ធភាពសុខភាព អាជីវកម្មការងារ ដោយយកលំនាំប្រតិបត្តិតាមគោលការណ៍ចិត្តវិទ្យាបស្ចិមប្រទេស ឬគំនិតស្មារតី ឬតាមគោលការណ៏សាសនាជាដើម។​

ក្នុងបណ្តាសៀវភៅអានទាំងនោះ សៀវភៅ “ច្បាប់ចិត្តវិញ្ញាណ 7​ ប្រការ ដើម្បីសម្រេចជោគជ័យ” បានផ្តល់ទស្សនៈដោយឡែកពីគេជាពិសេសសម្រាប់អ្នកដែលចង់រកចម្លើយដើម្បីប្រតិបត្តិដំណើរជីវិតប្រកបដោយតុល្យភាពនិងបានលេញសព្វគ្រប់​ ដែលជាសេចក្តីសុខទាំងផ្លូវលោកនិងផ្លូវធម៌​ ដែលមិនសូវមានសៀវភៅច្រើនប៉ុន្មានទេ ដែលផ្តល់អត្តន័យអំពីជោគជ័យក្នុងរូបភាពនេះបានយ៉ាងច្បាស់លាស់និងស៊ីជម្រៅដូចខ្លឹមសារនៅក្នុងសៀវភៅនេះ។

យើងខ្ញុំសុំណែនាំឲ្យលោកអ្នកអានសៀវភៅនេះ ដោយបើកចំហចិត្តឲ្យទូលំទូលាយ  ព្រោះវាជាសៀវភៅដែលផ្តោតទៅលើជោគជ័យជីវិតទាំងផ្លូវលោកនិងផ្លូវធម៌ គឺជាផ្លូវលោកខាងសម្ភារៈ និងស្មារតីបែបសាសនា ដែលមើលទៅហាក់ដូចជាមានទំនាស់រវាងទស្សនៈចាស់ៗរបស់មនុស្សភាគច្រើន តែសៀវភៅនេះបានផ្តល់ជាគំនិតដល់យើងថា តាមពិតទៅអ្វីៗទាំងនោះមានដើមកំនើតមកពីប្រភពតែមួយ  ហើយដើរលើផ្លូវមាគ៌ាតែមួយនោះឯង។  ក្រៅពីនេះខ្លឹមសារ​​សំខាន់ៗនៃសៀវភៅនេះបាននិយាយដល់ប្រការមួយដែលអាចយកឈ្នះលើការទទួលដឹងដោយឥន្រ្ទីយាអារម្មណ៏ធម្មតា  តែត្រូវប្រើការទទួលដឹងដោយឆ្លងកាត់សភាវចិត្តជាច្រើន ហេតុនេះទើបយើងខ្ញុំសំណូមពរឲ្យអានសន្សឹមៗ ហើយធ្វើការស្វែងយល់ដូចដែល ឌីផ័ក​ ចូប្រា ធ្លាប់ប្រាប់អ្នកអានសៀវភៅរបស់គាត់ថា សូមអានសន្សឹមៗ ស្វែងយល់ដោយសន្សឹមៗ  កុំប្រញាប់ចុះចាញ់។

ប៉ុន្តែប្រការសំខាន់ដែលធើ្វឲ្យសៀវភៅមួយក្បាលនេះមានលក្ខណៈពិសេសដោយឡែកពីសៀវភៅដទៃ ដែលរាប់ថាខុសប្លែក​ត្រង់ដែលវាធ្វើឲ្យលោកអ្នកបានយល់អំពីអត្តន័យនៃ ជោគជ័យដ៏ពិតប្រាកដ និងបានស្វែងយល់ដល់ការណ៏សំខាន់ៗដែលនៅពីក្រោយខ្នង និងដែលធ្វើឲ្យជោគជ័យរបស់អ្នក គឺជាជោគជ័យដ៏ពិតប្រាកដនិងស្ថិតស្ថេរគង់វង្ស  ពុំមែនជាជោគជ័យដែលកើតមានត្រឹមតែមួយរយៈខ្លីប៉ុណ្ណោះទេ។

ដោយសារតែ ឌីផ័ក ចូប្រា គឺជាគ្រូពេទ្យដែលមានការយល់ដឹងជ្រៅជ្រះលើផ្នែកវិទ្យាសាស្រ្ត ហើយព្រមគ្នានេះគាត់ក៏មានចំនេះដឹងផ្នែកសាសនា ជាពិសេសសាសនាហិឌូនិងពុទ្ធសាសនាក៏ជ្រៅជ្រះដូចគ្នាដែរ ដែលរាប់ថាជាប្រការមានប្រៀបរបស់គាត់លើសពីអ្នកដទៃនោះឯង។

មាតិកា៖