អារម្ភកថា
ទស្សននិងសាសនាវិទូជនជាតិដាណឺម៉ាកដែលឈ្មោះ Soren Kiekewgaard បានសរសេរថាវាគឺជាសញ្ញាប្រាប់ថាសៀវភៅមួយល្អប្រសិនបើនិយាយចំសាច់រឿងជីវិតរបស់អ្នកឥឡូវនេះអ្នកកំពុងតែកាន់សៀវភៅប្រភេទហ្នឹងនៅក្នុងដៃហើយជាសៀវភៅមួយដែលមិនត្រឹមតែមានកេរ្តិ៍ឈ្មោះល្បីល្បាញក្នុងវិស័យអភិវឌ្ឍន៍ខ្លួនឯងតែប៉ុណ្ណោះទេប៉ុន្តែវាក៏មានសមត្ថភាពប្រាប់អំពីបញ្ហារបស់អ្នកដូច្នេះចូលទទួលយកដោយភក្តីភាពហើយត្រង់ត្រាំស្ដាប់ដំបូន្មានរបស់វាហាក់ដូចជាព្រឹទ្ធាចារ្យដ៏វៃឆ្លាតម្នាក់។
ប៉ុន្តែខ្ញុំនៅតែក្រោនរំលឹកអ្នក!
សៀវភៅ ជោគជ័យតាមរយៈគំនិតវិជ្ជមាន នេះនឹងប្រហែលជាមិនផ្ដល់ប្រយោជន៍ឲ្យអ្នកដែលសោះឡើយប្រសិនបើអ្នកពិតជាប្រាថ្នាចង់ផ្លាស់ប្ដូរជីវិតរបស់អ្នកមែននោះបើសិនជាអ្នកមានឆន្ទៈហ៊ានបង់ថ្លៃជាពេលវេលាជាការគិតពិចារណានិងជាការចំណាយកម្លាំងពលកម្មដើម្បីធ្វើការទៅសម្រេចគោលដៅរបស់អ្នកនៅទីបំផុតឬនិយាយបែបសាមញ្ញបើសិនជាអ្នកមិនលេងសើចនឹងខ្លួនឯងទេនោះសៀវភៅនេះនឹងក្លាយជាដុំពេជ្រមួយគ្រាប់កំពុងស្ថិតនៅក្នុងប្រអប់ដៃរបស់អ្នកក៏ជាផែនទីមួយផ្ទាំងដែលបង្ហាញផ្លូវទៅអនាគតល្អប្រសើរនឹងក្លាយជាប្លង់ដ៏មានតម្លៃមួយដែលនឹងផ្ដល់សមត្ថភាពឱ្យអ្នកដើម្បីកសាងសំណង់អនាគតរបស់អ្នកឲ្យចប់ជាស្ថាពរ។
ខ្ញុំនិយាយចេញពីបទពិសោធន៍ជីវិតជាច្រើនឆ្នាំកន្លងមកឆ្លងកាត់ភាពល្ងង់ខ្លៅនិងកំហុសរបស់ខ្ញុំជាច្រើនខ្ញុំបានបាត់បង់របស់មួយដែលមានតម្លៃបំផុតចំពោះខ្ញុំគឺគ្រួសារផ្ទះសម្បែងនិងការងារសឹងតែគ្មានប្រាក់ មូយរៀលនិងគ្មានការបង្ហាញផ្លូវសម្បីតែបន្តិចខ្ញុំចង់បានធ្វើដំណើរគ្មានគោលដៅពេញផ្ទៃប្រទេសដើម្បីស្វែងរកខ្លួនឯងក៏ដូចជាស្វែងរកចម្លើយមួយចំនួនដែលអាចធ្វើឲ្យជីវិតរបស់ខ្ញុំមានតម្លៃឡើងវិញខ្ញុំបានចំណាយពេលមួយភាគធំអង្គុយនៅក្នុងបណ្ណាល័យ ព្រោះបណ្ណាល័យសាធារណៈពួកវាគឺជាកន្លែងដែលមិនគិតលុយហើយត្រជាក់ស្រួលថែមទៀតផងខ្ញុំអានសៀវភៅជាច្រើនតាំងពីសរសេដោយអ្នកប្រាជ្ញប្លាតុងរហូតដល់អ្នកនិពន្ធសម័យបច្ចុប្បន្នឈ្មោះដុកទ័រឌDr. Peale ដើម្បីសា្រវជ្រាវសារមួយដែលអាចពន្យល់ខ្ញុំអំពីកន្លែងខុសនSជីវិតរបស់ខ្ញុំនិងស្រាវជ្រាវរកអ្វីដែលនៅសេសសល់ហើយដែលខ្ញុំអាចធ្វើបាននៅក្នុងជីវិត។
ទីបំផុតខ្ញុំបានរកឃើញចម្លើយនៅក្នុងសៀវភៅជោគជ័យតាមរយៈគំនិតវិជ្ជមាននេះដែលនិពន្ធដោយលោក W. Clement Stone និង Napoleon Hill ។ ខ្ញុំបានអនុវត្តតាមបច្ចេកទេសនិងវិធីសាស្ត្រសាមញ្ញសាមញ្ញនៅក្នុងសៀវភៅអស្ចារ្យនេះហើយទីបំផុតវាបានផ្ដល់មកឲ្យខ្ញុំនៅភាពមានបាននិងសេចក្តីរីករាយហួសពីកម្រិតដែលខ្ញុំសមនឹងទទួលទៅទៀត។ ចេញពីមនុស្សរសាត់អណ្ដែតគ្មានទីពឹងនិងគ្មានលុយកាក់មួយសេន ខ្ញុំនៅទីបំផុតបានក្លាយទៅជាប្រធានក្រុមហ៊ុនចំនួន 2 និងជាប្រធានប្រតិបត្តិរបស់ក្រុមហ៊ុនទស្សនាវដ្តីដ៏ល្បីល្បាញក្នុងចំណោមទស្សនាវដ្តីល្បីល្បាញផ្សេងៗទៀតគឺទស្សនាវដ្តី Success Unlimited។
ខ្ញុំក៏បាននិពន្ធសៀវភៅមួយចំនួន 6 ក្បាលដែលនៅក្នុងនោះសៀវភៅ The Greatest Salesman in the world បានក្លាយជាសៀវភៅលក់ដាច់បំផុតមួយសម្រាប់បុគ្គលដែលប្រកបអាជីវកម្ម ជាអ្នកលក់ ហើយត្រូវបានបកប្រែជា 15 ភាសានិងលក់ដាច់បានច្រើនជាង 3 លានក្បាលគ្មានរបស់មួយនៅក្នុងចំណោមភាពជោគជ័យទាំងនេះនឺងបានត្រូវបានសម្រេចឡើងឡើយបើគ្មានការអនុវត្តជាប្រចាំលើគោលកាលជោគជ័យនៅក្នុងសៀវភៅជោគជ័យតាមរយៈគំនិតវិជ្ជមាន នេះទេនោះ។
ប្រសិនបើខ្ញុំអាចសម្រេចភាពជោគជ័យដោយចាប់ផ្ដើមពីបាតដៃទទេបានដូច្នេះសូមអ្នកគិតថាអ្នកក៏ឱ្យសម្រេចប្ដីសុបិនរបស់ខ្លួនដោយប្រើរបស់ដែលអ្នកកំពុងមានបានដូចគ្នាយើងកំពុងរស់នៅក្នុងពិភពដែលចម្លែកហើយថែមទាំងផ្លាស់ប្ដូរលឿនថែមទៀតផង។ ថ្ងៃនីមួយៗតែងតែមានព្យាការីក្លែងក្លាយឡើងមកដើម្បីទេសនាអំពីសេចក្តីរីករាយនឹងភាពជោគជ័យរបស់ខ្លួនដូចជាអំពិលអំពែកអញ្ចឹងពួកគេលេចឡើងហើយក៏បាត់ទៅវិញប៉ុន្តែសៀវភៅនិងមួយក្បាលនេះនឹងស្ថិតនៅជានិច្ចដើម្បីជួយផ្លាស់ប្ដូរជីវិតរបស់មនុស្សរាប់ពាន់នាក់ទាំងកំពុងរស់នៅនិងទាំងមិនទាន់កើតនៅឡើយ។
តើអ្នកពិតជាចង់ផ្លាស់ប្ដូរជីវិតរបស់អ្នកឲ្យប្រសើរឡើងឬប្រសិនបើអ្នកចង់ពិតប្រាកដមែនសៀវភៅជោគជ័យតាមរយៈគំនិតវិជ្ជមាននេះអាចជាសំណាងល្អបំផុតដែលធ្លាក់ទៅក្នុងដៃរបស់អ្នក ចូលអានវា ចូលសិក្សាអំពីវា អានវាម្ដងហើយម្ដងទៀត បន្ទាប់មកក្រោកឡើងដើម្បីចាប់ផ្ដើមធ្វើសកម្មភាព។ អ្វីគឺសាមញ្ញខ្លាំងណាស់គ្រាន់តែសម្រេចចិត្តចាប់ផ្ដើមធ្វើការលើវាតែប៉ុណ្ណោះ
