សៀវភៅ “ដឺផៅវ័រ” ដែលប្រិយមិត្តអ្នកអានកំពុងកាន់នៅនឹងដៃនេះជាស្នាដៃទី២ របស់ អ្នកនិពន្ធដ៏ល្បីល្បាញម្នាក់របស់អូស្ត្រាលី គឺ រ៉នដា បឺន និងជាស្នាដៃបន្តពីសៀវភៅ ដឺស៊ីក្រេត ដែលបច្ចុប្បន្ននេះលក់ដាច់បាន១៩ លានក្បាល ជាប់លំដាប់ថ្នាក់ទី ៥៧ ក្នុងបណ្តាសៀវភៅលក់ដាច់បំផុតលើពិភពលោក។
ខ្លឹមសារនៃសៀវភៅ ដឺផៅវ័រ ដែលទោះជាប្រិយមិត្តបានអាន ដឺស៊ីក្រេត ពីមុនឬមួយមិនទាន់បានអានក៏នៅតែអាចស្វែងយល់ពីទិន្នន័យ “អាថ៌កំបាំង” ដែលមានសារប្រយោជន៍ និងជាពិសេសគឺអ្វីដែលប្រិយមិត្តអាចមិនធ្លាប់ចាប់ភ្លឺកថា តាមពិត យើងម្នាក់ៗសុទ្ធតែមានថាមពលអាថ៍កំបាំងនៅក្នុងខ្លួនគ្រប់គ្រប់គ្នា ប៉ុន្តែខុសគ្នានៅត្រង់ថា តើយើងអាចយកថាមពលនោះមកប្រើឲ្យកើតជាប្រយោជន៍ចំពោះជីវិតរបស់ខ្លួនបានយ៉ាងដូចម្តេច?
យើងខ្ញុំ រួមទាំងក្រុមសហការីក្រុមបណ្ណាធិការរបស់ម៉ាញប៊ុក្សទាំងអស់ បានខិតខំអស់ពីកម្លាំងកាយនិងសតិបញ្ញា ដើម្បីបកប្រែនិងរៀបចំសៀវភៅ ដឺផៅវ័រ មួយនេះ ឲ្យបានសម្រេចជារូបរាងឡើងដើម្បីបំពេញតាមក្តីទន្ទឹងរង់ចាំពីប្រិយមិត្តជាច្រើន ដែលតែងទទូចសួរមកកាន់ក្រុមសៀវភៅម៉ាញម៊ុក្សយើងខ្ញុំ។ យើងខ្ញុំជឿជាក់ថាសៀវភៅមួយនេះ ពិតជាមិនធ្វើឲ្យប្រិយមត្ត អ្នកអានខកបំណងឡើយ។
សូមអរគុណដល់អស់លោកប្រិយមិត្តអ្នកអាន ដែលបានជួយគាំទ្រយើងខ្ញុំ ដល់ក្រុមសហការី ម៉ាញប៊ុក្សទាំងអស់ដែលបានខំប្រឹងប្រែង ដល់ រ៉នដា បឺន និងដល់ចក្រវាលដែលផ្តល់ទិន្នន័យដ៏មានសារៈសំខាន់នេះឲ្យបងប្អូនជនជាតិកម្ពុជាយើងបានជ្រូតជ្រាបព្រមៗគ្នាជាមួយនឹងប្រជាជនទូទាំងពិភពលោកផងដែរ។
មាតិកា:
1 អំណាចថាមពលគឺជាអ្វី?
2 អំណាចថាមពលនៃអារម្ភណ៍នឹកគិត
3 ទទួលយករលកសញ្ញានៃអារម្ភណ៍
4 អំណាចថាមពល និង និម្មិតកម្ម
5 អារម្មណ៍នឹកគិតគឺការបង្កើតឡើង
6 ជីវិតដើរតាមគន្លងដែលអ្នកគូសវាស
7 កូនសោនាំទៅរកថាមពល
8 អំណាចថាមពល និង ប្រាក់កាស
9 អំណាចថាមពល និង សម្ព័ន្ធភាព
10 អំណាចថាមពល និង សុខភាព
11 អំណាចថាមពល និង ខ្លួនអ្នក
12 អំណាចថាមពល និង ជីវិត
