តិចនិចលក់ (យុទ្ធសាស្ត្រ CABLE លក់អ្វីក៏ដាច់)
ទៅជួបអតិថិជនច្រើនមិនប្រាកដថាជាវិធីល្អក្នុងការបង្កើនការលក់នោះទេ!! លក់មាន ៨ក្បួនជាវិធីល្អបំផុត ។
សៀវភៅ តិចនិចលក់ នឹងជួយឱ្យអ្នកអាច៖
១.វិភាគរកអតិថិជនគោលដៅបានត្រឹមត្រូវ
២.វិធីសាស្រ្តលក់តិច តែបិទការលក់បានច្រើន
៣.ប្រើវិធីលក់ឱ្យបានត្រូវតាមអតិថិជននិងពេលវេលា
៤.ភ្ជាប់ទំនាក់ទំនងជាមួយអតិថិជនបានយ៉ាងស្អិតរមួត
៥.សិក្សារកឃើញចំណុចសំខាន់ចំៗពីបញ្ហាពិតរបស់អតិថិជន
៦.ធ្វើបទបង្ហាញខ្លីៗ តែចំអ្វីដែលគេចង់ស្តាប់
៧.បិទការលក់ទៅតាមចរិតអតិថិជន
៨.ដោះស្រាយពាក្យបដិសេធយ៉ាងមានប្រសិទ្ធភាព
អំពីអ្នកនិពន្ធ
ស៊ូ សាវឿន មានបទពិសោធជាង១៥ឆ្នាំក្នុងការបណ្តុះបណ្តាល បង្វឹក និងតែងនិពន្ធលើជំនាញលក់ សេវាកម្មអតិថិជន និងជំរុញទឹកចិត្ត។ បន្ថែមពីនេះ សាវឿនធ្លាប់កាន់តួនាទីសំខាន់ៗនៅក្នុងក្រុមហ៊ុន។ គាត់ធ្លាប់កាន់តួនាទីជាប្រធានប្រចាំតំបន់និងនាយកថ្នាក់ជាតិ ទាក់ទងនឹងវិស័យលក់ផលិតផលនិងសេវាកម្ម ធ្លាប់ធ្វើជាមន្ត្រីជាន់ខ្ពស់ផ្នែកស្រាវជ្រាវនិងអភិវឌ្ឍអាជីវកម្ម និងធ្វើជាគ្រូបណ្តុះបណ្តាលនិងបង្វឹកជំនាញលក់នៅក្នុងក្រុមហ៊ុនអន្តរជាតិថែមទៀត។ ក្រៅពីការងារនៅក្នុងស្ថាប័ន សាវឿនចេញបង្រៀនជំនាញលក់នៅខាងក្រៅ និងនៅមហាវិទ្យាល័យថែមទៀត។
បន្ថែមពីលើបទពិសោធការងារ សាវឿនបានបញ្ចប់ការសិក្សាថ្នាក់បរិញ្ញាបត្រផ្នែកអប់រំ បរិញ្ញាបត្រជាន់ខ្ពស់ផ្នែកធុរកិច្ច និងបរិញ្ញាបត្រជាន់ខ្ពស់ផ្នែកគ្រប់គ្រងការអភិវឌ្ឍ។ ក្រៅពីការសិក្សានៅមហាវិទ្យាល័យ សាវឿនបានចូលរួមសកម្មភាពស្រាវជ្រាវគរុកោសល្យ វិធីសាស្ត្របង្រៀន និងចិត្តសាស្ត្របង្រៀនរយៈពេល៣ឆ្នាំ និងចូលរួមសកម្មភាពសិក្សាស្រាវជ្រាវពីឥរិយាបថមនុស្សរយៈពេល៣ឆ្នាំ។
