ថាមពលនៃការបង្កើតទម្លាប់តូចៗ

ការ​ប្រេីវិធី Tiny Habits អ្នកនឹងផ្ដោតទៅលើការធ្វើរឿងតូចៗច្រើនយ៉ាងដែលអ្នកអាចធ្វើបានក្នុងរយៈពេលមិនលើសពី ៣០ វិនាទី អ្នកនឹងមានទម្លាប់ថ្មីយ៉ាងឆាប់រហ័ស ហើយទម្លាប់ទាំងនោះវានឹងកើតឡើងបែបធម្មជាតិ។ ការចាប់ផ្ដើមពីចំណុចតូចៗនេះ មានន័យថា អ្នកចាប់ផ្ដើមការផ្លាស់ប្ដូរដ៏អស្ចារ្យបានដោយមិនបាច់បារម្ភរឿងពេលវេលា។ ដោយវិធី Tiny Habits ខ្ញុំណែនាំឲ្យមនុស្សចាប់ផ្ដើមពីទម្លាប់តូចៗ ៣ យ៉ាង ឬចាប់ផ្ដើមពីរឿងតូចៗតែមួយរឿងក៏បាន។ បើអ្នកមានការបារម្ភច្រើន និងមានពេលវេលាតិច វិធីនេះសក្ដិសមបំផុតសម្រាប់អ្នក។ អ្នកមិនអាចចាប់ផ្ដើមទម្លាប់ថ្មីបានទេបើចាប់ផ្ដើមពីរឿងធំៗ ពេលអ្នកចាប់ផ្ដើមធ្វើរឿងធំ ទម្លាប់នោះនឹងនៅមិនបានយូរទេ។ សម្រាប់មនុស្សភាគច្រើន ការចាប់ផ្ដើមពីចំណុចតូចៗ មិនត្រឹមតែជាជម្រើសល្អបំផុតទេ វាក៏អាចជាជម្រើសតែមួយគត់ដែលជួយឲ្យអ្នកទទួលជោគជ័យ។