ទុកផ្លូវក្រោយ គឺជាសៀវភៅបែបយុទ្ធសាស្ត្រក្នងការដឹក និងការការពារខ្លួនកុំឱ្យមានគ្រោះថ្នាក់ ដែលមិនបានត្រៀមខ្លួនទុកជាមុន។ ចំពោះអត្ថន័យនៅក្នុងសៀវភៅ “ទុកផ្លូវក្រោយ ភាគ២” នេះគឺមិនមែនសម្រាប់តែអ្នកដែលនិយមវណ្ណកម្ម “សាមកុក” និងយុទ្ធសាស្ត្រក្នុងការដឹកនាំតែប៉ុណ្ណឹងនោះទេ គឺបានឆ្លុះបញ្ចាំងអំពីជីវិតពិតមួយចំនួននៅក្នុងសង្គមបច្ចុប្បន្ន និងការរស់នៅរបស់មនុស្សក្នុងសង្គមផងដែរ។ ខ្ញុំក៏បានធ្វើការបង្ហាញវែកញែកឱ្យងាយស្រួលយល់ ដើម្បីអាចជួយផ្តល់ជាគំនិត ជួយដោះស្រាយនូវបញ្ហា និងភាពទ័លច្រកនាពេលបច្ចុប្បន្ននេះ និងទៅអនាគតផងដែរ។ នៅក្នុងគោលបំណងចម្បងមួយ គឺអាចជួយបង្ការទប់ទល់នឹងគ្រោះថ្នាក់ជាមុនបាន ក៏ដើម្បីអាចបញ្ជៀសឱ្យរួចផុតពីបញ្ហា ឧបសគ្គនៅខាងមុខ ឬភាពទ័លច្រកបានតាមវិធីសាស្ត្រក្នុងសៀវភៅនេះ។
