សេចក្ដីសុខខាងអារម្មណ៍ជាកត្ដាចាំបាច់របស់មនុស្សម្នាក់ៗ ដែល កើតមានជាមួយមនុស្សតាំងពីកំណើតមកម្ល៉េះ។ ការថែរក្សាសុខភាពផ្លូវចិត្ដឱ្យបានល្អ វាទាក់ទងទៅនឹងបរិស្ថានជុំវិញខ្លួនរបស់មនុស្សម្នាក់ៗ រួមមានទាំងគ្រួសារ មិត្ដភក្ដិ អ្នកនៅជុំវិញខ្លួន ជំនឿរបស់សង្គមនិងខ្លួនឯងជាដើម។
គ្មានអ្នកណាម្នាក់អាចយកនូវសេចក្ដីទុក្ខចេញពីជីវិតអ្នកបានទេ។ដូចគ្នានេះដែរ អ្នកក៏មិនត្រូវអនុញ្ញាតឱ្យអ្នកណាម្នាក់មកយកសេចក្ដីសុខចេញពីជីវិតអ្នកបានដែរ។ គោលបំណងធំនៃជីវិតគឺការមានសេចក្ដីសុខដូច្នេះ អ្នកមិនត្រូវបណ្ដែតបណ្ដោយឱ្យជីវិតអ្នកបៀមទុក្ខកើតក្ដីកង្វល់ខ្វល់ពីអ្វីដែលនាំឱ្យជីវិតមានភាពទុក្ខសោកនោះឡើយ។ មានតែអ្នកមា្នក់គត់ដែលអាចសាងសុខឬទុក្ខឱ្យជីវិតអ្នកបាន ដូចមានពាក្យដែលគេនិយាយថា «សេចក្ដីសុខក្នុងជីវិតអ្នកអាស្រ័យលើគុណភាពនៃជីវិតអ្នកទាំងស្រុង»។
