ភាពថ្លៃថ្នូរណាមួយ ដែលរងចាំដល់ថ្ងៃមានពិធីអ្វីមួយទើបធ្វើបង្ហាញឳ្យគេឃើញ ដើម្បីឳ្យគេថាជាមនុស្សថ្លៃថ្នូរនោះពិតជាមិនមែនជាភាពថ្លៃថ្នូរសោះឡើយ។
ភាពថ្លៃថ្នូរត្រូវតែរកឳ្យឃើញយ៉ាងងាយក្នុងជីវិតរស់នៅប្រចាំថ្ងៃរបស់ពួកយើងម្នាក់ៗ។ ការធ្វើសេចក្តីល្អជាប្រចាំ ទោះបីគ្មាននរណាម្នាក់បានឃើញបានដឹងសោះក៨ដោយ ក៏នៅតែធ្វើយ៉ាងពេញចិត្ត នោះហើយគឺជាសីលធម៍របស់បុគ្គលនោះ។ បើមិនដូច្នេះទេ នោះជាភាពក្លែងក្លាយ។ បើនរណាពេញចិត្តនឹងរូបភាពក្លែងក្លាយទាំងនោះ ហើយប្រឹងស្រែកក្តែងៗឳ្យគេថាខ្លួនជាមនុស្សមានសីលធម៍ ខ្លួនគេជាមនុស្សថ្លៃថ្នូរនោះហើយគឺជាមនុស្សមិនថ្លៃថ្នូរ។
