បង្រៀនខ្លួនឯងឱ្យចេះរៀន

ការរៀននៅក្នុងសាលារៀនមិនមែនឈ្មោះថាមិនបានការទេ ប៉ុន្តែវាមិនទាន់គ្រប់គ្រាន់សម្រាប់ទ្រទ្រង់ដំណើរជីវិតនេះឡើយ។ ដំណើរជីវិតនេះមានភាពស្មុគស្មាញនិងមានរឿងច្រើនណាស់ដែលយើងចាំបាច់ត្រូវប្រឈម ហើយដើម្បីប្រឈមជាមួយវា យើងប្រហែលជាត្រូវធ្វើដូច Jack Ma ដែលជាអភិមហាសេដ្ឋីនេះហើយមើលទៅ ខ្ញុំចាប់អារម្មណ៍ជាមួយបុរសម្នាក់នេះខ្លាំងណាស់ សាច់ដុំប្រសាទរបស់ខ្ញុំញាក់គ្រប់ពេលនៅពេលឮឈ្មោះបុរសម្នាក់នេះ គាត់និយាយថា «បើចង់ឈ្នះគូប្រកួតត្រូវសាងអាវុធឱ្យច្រើននិងធុនធ្ងន់ទៀតផង»។ អ្វីដែលនិយាយនេះ ខ្ញុំចង់សំដៅដល់ថា គូប្រកួតរបស់យើងពិតប្រាកដ គឺខ្លួនឯងនេះហើយ ហើយអាវុធនោះគឺវិធីរៀនដើម្បីបង្រៀនខ្លួនឯងហ្នឹងឯង។ យ៉ាងណាក្ដីកូនសៀវភៅមួយក្បាលនេះប្រៀបដូចជាកញ្ចក់ដែលយើងអាចឆ្លុះពីជីវិតបានខ្លះបើចង់ វាអាចមិនមែនជាពន្លឺលោកខែ តែអាចជាអំពិលអំពែក។