មានសៀវភៅមិនតិចឡើយដែលរៀបរាប់អំពីភាពជោគជ័យ តែមិនច្រើនទេសម្រាប់សៀវភៅដែលនិយាយអំពីបរាជ័យ។ តើមូលហេតុមកពីមនុស្សភាគច្រើនចូលចិត្តជោគជ័យច្រើនជាងបរាជ័យ?
ចូលចិត្តឬស្អប់ ចង់ឬមិនចង់ “បរាជ័យ” តែងតែកើតមានជានិច្ចចំពោះមនុស្សគ្រប់គ្នា ហើយវាហាក់បានក្លាយជារឿងធម្មតាទៅហើយសម្រាប់បុគ្គលជោគជ័យគ្រប់រូប ពីព្រោះពាក់កណ្តាលនៃសៀវភៅនេះគឺបានបញ្ជាក់ពីរឿងនេះ។ សម្រាប់បុគ្គលជោគជ័យស្ទើរតែគ្រប់គ្នា ឬអាចនិយាយបានថាគ្រប់គ្នា សុទ្ធតែប្រទះនូវភាពបរាជ័យ ទោះតិចឬច្រើន តូចឬធំក្តី។ ការណ៍ដែលខ្ញុំរៀបរៀងសៀវភៅ «បរាជ័យ» នេះឡើង មិនមែនមានបំណងចង់ឱ្យលោកអ្នកទទួលបានបរាជ័យនោះទេ ប៉ុន្តែដោយសារចង់ឱ្យលោកអ្នកយល់អំពីបរាជ័យកាន់តែច្បាស់ ពិសេសចង់លើកទឹកចិត្តអ្នកដែលបរាជ័យ និងឱ្យលោកអ្នកបានរៀនសូត្រពីជីវិតរបស់អ្នកបរាជ័យ មុនពេលឈានទៅដល់ជោគជ័យនៅចុងបញ្ចប់។ ក្នុងសៀវភៅកម្រាស់ជិត២០០ទំព័រនេះ បានបែងចែកជាពីរគឺ មេរៀនជីវិតបរាជ័យរបស់បុគ្គលជោគជ័យក្នុងលោកចំនួន៤៦រូប និងទស្សនៈអំពីបរាជ័យជាង២០០ផ្សេងទៀត។
