បាត់បង់តែមិនបោះបង់

ជីវិតតែងតែផ្ដល់ឱ្យយើងនូវមេរៀនដ៏ល្វីងជូរចត់រាប់មិនអស់ ឱ្យតែមានតស៊ូ ថ្ងៃណាមួយយើងប្រាកដជាទទួលបានលទ្ធផលល្អជាពុំខាន។ យើងត្រូវសម្លឹងឱ្យលើសពីថ្ងៃនេះទោះបីជាបច្ចុប្បន្នយើងចួបស្ថានភាពយ៉ាប់យឺនយ៉ាងណាក៏ដោយ យើងអាចបាត់បង់ឱកាសល្អៗជាច្រើន នៅក្នុងជីវិតមានការខកបំណងរាប់មិនអស់ឬបាត់បង់មនុស្សជាទីស្រឡាញ់នៅក្នុងជីវិត… ប៉ុន្តែយើងមិនត្រូវបោះបង់ខ្លួន​ឯង បោះបង់ក្ដីសង្ឃឹម និងការតាំងចិត្តសម្រាប់ជីវិតបានឡើយ។ យើងគួរតែចេះ បង្កើតជម្រើសឱ្យខ្លួនឯងហើយមិនត្រួវរស់ជាមនុស្សទាល់ច្រកដាច់ខាត។