ប្រើ​អហិង្សា​ត​ស៊ូ​ដើម្បី​សេរី​ភាព

ប្រើអហិង្សាតស៊ូដើម្បីសេរីភាព
សន្តិវិធីមានច្រើនប្រភេទ ដោយ ម៉ាទីន លូថឺ ឃីង ជូនៀរ៍ ធំធាត់ឡើងក្នុងត្រកូលដែលជឿលើមូលដ្ឋាននៃសន្តិវិធី និងរួមបញ្ចូលជាមួយនឹងភាពឆ្លាតវៃផ្នែកយុទ្ធសាស្ត្រ និងយុទ្ធវិធី ដែលវាអាចជាមូលហេតុធ្វើឲ្យគាត់ក្លាយជាបុគ្គលគួរឲ្យខ្លាចក្រែងម្នាក់សម្រាប់ថ្នាក់ដឹកនាំរបស់អាមេរិកនាសម័យនោះ។
មហាត្មៈ គន្ធី ក៏ប្រើសន្តិវិធីធ្វើឲ្យរង្គោះរង្គើដល់ចក្រភពអង់គ្លេសដូចគ្នា រហូតប្រទេសឥណ្ឌាទទួលបានឯករាជ្យ។ ចំណុចពិបាកនៃការប្រើវិធីមួយនេះ គឺការកៀងគរឲ្យមនុស្សបំពេញកុសល និងហ្វឹកហាត់ចិត្តគំនិតខ្លួនឯងឲ្យរឹងមាំ ទើប មហាត្មៈ គន្ធី បង្កើតអាស្រមទូទាំងប្រទេសដើម្បីលើកកម្ពស់ចិត្តគំនិតរបស់អ្នកតស៊ូ និងធ្វើឲ្យសង្គមមានអ្នកដឹកនាំជំនាន់ថ្មីដែលមានគុណភាពជាងមុន។
អ្នកប្រើសន្តិវិធីចំនួនច្រើនជឿថា សន្តិវិធីជាយុទ្ធសាស្ត្រយកឈ្នះនូវភាពអយុត្តិធម៌ ជាពិសេស សម្រាប់ប្រជាជនដែលគ្មានអាវុធដែលតស៊ូជាមួយរដ្ឋដែលមានឧបករណ៍បង្ក្រាប ហើយសន្តិវិធីនេះក៏ទទួលបាននូវភាពជោគជ័យច្រើនជាងវិធីដែលប្រើហិង្សា។
គោលគំនិតនេះមានតម្លៃគួរឲ្យសិក្សាខ្លាំងសម្រាប់អ្នកដែលត្រូវការផ្លាស់ប្ដូរសង្គម ហើយក៏មានគោលគំនិតផ្សេងៗទៀតដែលនឹងយកមកនិយាយក្នុងសៀវភៅនេះ។