ពូទីន ចូលកាន់តំណែងកំពូលរបស់រដ្ឋ ដោយចៃដន្យបំផុត នៅឆ្នាំ១៩៩៩។ ក្រោមការគ្រប់គ្រង«កណ្តាប់ដៃដែក»របស់លោក ប្រមាណ២០ឆ្នាំនេះ, រុស្ស៊ីបានកែប្រែមុខមាត់ថ្មី ហើយឈានជើងវិលចូលឆាកនយោបាយអន្តរជាតិ ក្នុងនាមជាមហាអំណាច។ គឺជាអ្វីដែលពិភពលោកមិនអាចមើលរំលង។
តើ ពូទីន ជាអ្នកណា?
តើលោកធ្វើអ្វីខ្លះក្នុងអំឡុងពេលក្តាប់អំណាច រយៈពេល២ទសវត្សរ៍មកនេះ? តើលោកប្រឈមអ្វីខ្លះដើម្បីធ្វើឱ្យមាតុភូមិអាចវិលត្រឡប់ចូលឆាកនយោបាយពិភពលោក ក្នុងនាមជាមហាអំណាច?
តើរុស្ស៊ីរបស់លោក ពូទីន មានទស្សនៈនិងជំហរយ៉ាងណាចំពោះព្រឹត្តិការណ៍នយោបាយអន្តរជាតិ ដែលកំពុងកើតឡើងយ៉ាងក្តៅគគុក នាពេលសព្វថ្ងៃនេះ?
សំណួរទាំងនេះ គឺជាកម្មវត្ថុនៃសៀវភៅ«ពូទីន ២០ឆ្នាំក្នុងអំណាច»។
ជាសៀវភៅថ្មី និពន្ធនិងស្រាវជ្រាវដោយសាស្ត្រាចារ្យវិទ្យាសាស្ត្រនយោបាយ អេង ប៉ូលីត សូឡារី ដែលជាអតីតនិស្សិតខ្មែរ ទទួលការបណ្តុះបណ្តាលនៅរដ្ឋធានីម៉ូស្កូ។
