លោកអ្នកពិតជាធ្លាប់ជួបនឹងរឿងបន្តិចបន្តួចពីមិត្តល្អម្នាក់…ស្តាប់ហើយដូចជាបានទទួលរង្វាន់ដ៏ធំធេងពីរឿងទាំងនោះ។ រឿងនីមួយៗបានពញ្ញាក់អារម្មណ៍របស់អ្នកតាមបែបផ្សេងៗគ្នា។ រឿងខ្លះធ្វើឲ្យញញឹមញញែម សើចសប្បាយហូរទឹកភ្នែក កក់ក្ដៅ ឬដុតបញ្ឆេះឲ្យកើតមានគំនិតថ្មីៗផងដែរ។
នរណាក៏ចង់ស្ដាប់រឿងល្អៗបែបនេះដែរ តែមិត្តល្អឬចង្វាក់ពេលដែលនឹងបានស្ដាប់រឿងល្អៗបែបនេះ ក៏ពុំមែនជារឿងរកបានដោយងាយនោះដែរ។ ហេតុនេះទើបយើងខ្ញុំសូមនាំយកមកបង្ហាញជូនតាមរយៈសៀវភៅនេះ ដើម្បីឲ្យអស់លោកអ្នកអានបានស្ដាប់រឿងទាំងនោះ ដែលនឹងក្លាយមកជាមិត្តល្អក្នុងការរៀបរាប់ រឿងតូចតាច អត្ថន័យធំធេងឲ្យលោកអ្នកបានជ្រួតជ្រាប ជក់ចិត្តនៅគ្រប់ខណៈពេលដែលបានអាន។
ពេលបានទទួលអ្វីល្អៗដូច្នេះហើយ យើងជឿថាលោកអ្នកពិតជាមិនទុកអានតែម្នាក់ឯងនោះទេ តែនឹងអាចផ្ទេរបន្ដបំណងល្អរបស់ខ្លួនទៅឲ្យមិត្តភក្តិសម្លាញ់ដទៃទៀត ដើម្បីពួកគេមានចង្វាក់ពេលល្អៗពីការអានសៀវភៅនេះរូមជាមួយរូបអ្នកផងដែរ។ ក្រៅពីនេះ សូមកុំភ្លេចក្រេបយកបង្អែមជីវិតពីសៀវភៅផ្សេងៗរបស់ម៉ាញប៊ុក្សដែលមានចេញរួចហើយដូចជានិទានវិញ្ញាណទិព្វ ប្រាជ្ញាជីវិត ឬពិភពរឿងប្លែក ឬអ្វីផ្សេងទៀតជាច្រើនដែលយើងខ្ញុំបានសម្រិតសម្រាំងជូនលោកអ្នក និងដែលយើងខ្ញុំជឿថា លោកអ្នកពិតជាមិនខកបំណងឡើយ។
