សៀវភៅដ៏តូចស្តើង តែប្រកបដោយខ្លឹមសារចំៗស៊ីជម្រៅមួយក្បាលនេះ ជាកូនសៀវភៅដៃគូមួយក្បាល ដែលក្រុមការងារ Mindbooks យើងខ្ញុំខិតខំរៀបរៀង បកប្រែ និងកែសម្រួលឡើងមកដើម្បីជាប្រយោជន៍សម្រាប់សិស្ស និស្សិត អ្នកធ្វើការនិងអ្នកគ្រប់គ្រង ដោយអាចដាក់តាមខ្លួនសម្រាប់ដាស់តឿនសតិ និងអាចប្រើនៅគ្រប់ស្ថានការណ៍និងគ្រប់ទីកន្លែង។ ខ្លឹមសារនៅក្នុងកូនសៀវភៅមួយក្បាលនេះពិតជាអាចនាំទៅប្រតិបត្តចំពោះការងារជាក់ស្តែងបានដោយងាយនិងទទួល បានផលជាទីគាប់ចិត្ត ហើយកូនសៀវភៅនេះក៏រួមមាននូវគំរូសម្រាប់ពិសោធខ្លួនឯង និងគំរូពីជីវិតពិតដែលជួយដល់ការហ្វឹកហាត់និងការដោះស្រាយបញ្ហានៅចំពោះមុខ ទាំងនៅតុធ្វើការ តុប្រជុំ ឬសូម្បីតែក្នុងពេលធ្វើដំណើរ។
ចំពោះបុគ្គលដែលទើបនឹងបោះជំហានចូលក្នុងពិភពនៃការគ្រប់គ្រង និងពិភពជំនួញសម័យថ្មីនេះ ចាំបាច់ត្រូវតែមានកូនសៀវភៅអភិវឌ្ឍជំនាញភាពជាអ្នកដឹកនាំមួយក្បាលនេះនៅក្បែរខ្លួន។
ការប្រជុំ គឺជាភារកិច្ចមួយដែលយើងម្នាក់ៗមិនអាចជៀសបាន ដូច្នេះអ្នកគួរយល់ដឹងអំពីការរៀបចំកិច្ចប្រជុំនោះប្រព្រឹត្តទៅយ៉ាងមានប្រសិទ្ធភាពនិងប្រសិទ្ធផល។ សៀវភៅមួយក្បាលនេះនឹងជួយលោកអ្នកឲ្យផ្លាស់ប្តូរពីការប្រជុំដែលធ្លាប់តែខាតបង់ ពេលវេលាទៅជាដំណើរការដ៏មានគុណតម្លៃ ដោយអ្នកនឹងបានជួបនូវយុទ្ធសាស្ត្រជាច្រើនដូចជា៖
– ត្រៀមការប្រជុំយ៉ាងប្រសិទ្ធផល
– ចាត់ការនឹងខ្វែងគំនិតគ្នាបានយ៉ាងល្អ
– គ្រប់គ្រងការប្រជុំឲ្យប្រព្រឹត្តទៅតាមរបៀបវារៈ
– ជឿជាក់បានថាមតិយោគបល់ដែលបានពីកិច្ចប្រជុំអាចយកទៅប្រតិបត្តិលើកិច្ចការរហូតសម្រេចបានលទ្ធផលល្អ។
